പൂ​ച്ച മാ​ന്തി​യ​തി​നു വാ​ക്സി​നെ​ടു​ത്ത യു​വ​തി​ക്ക് അ​ല​ർ​ജി: ചി​കി​ത്സ​പ്പി​ഴ​വെ​ന്ന് കു​ടും​ബ​ത്തി​ന്‍റെ ആ​രോ​പ​ണം

പാ​ല​ക്കാ​ട്: പൂ​ച്ച മാ​ന്തി​യ​തി​നെ തു​ട​ർ​ന്ന് കു​ത്തി​വ​യ്പെ​ടു​ത്ത യു​വ​തി​ക്ക് അ​ല​ർ​ജി​യും ക്ഷീ​ണ​വും ത​ള​ർ​ച്ച​യു​മെ​ന്ന് പ​രാ​തി. ആ​ശു​പ​ത്രി​യു​ടെ ചി​കി​ത്സ​പി​ഴ​വെ​ന്ന് ആ​രോ​പി​ച്ച് ആ​രോ​ഗ്യ​മ​ന്ത്രി​ക്കും പാ​ല​ക്കാ​ട് ഡി​എം​ഒ​യ്ക്കും പ​രാ​തി ന​ൽ​കി. ഒ​റ്റ​പ്പാ​ലം താ​ലൂ​ക്ക് ആ​ശു​പ​ത്രി​ക്കെ​തി​രേ പാ​ല​പ്പു​റം കോ​ട്ട​ത്ര വ​ലി​യ​പ​റ​ന്പി​ൽ നൗ​ഷാ​ദി​ന്‍റെ മ​ക​ൾ ഫാ​ത്തി​മ റി​തം (24) ആ​ണ് പ​രാ​തി ന​ൽ​കി​യി​രി​ക്കു​ന്ന​ത്. താ​ലൂ​ക്ക് ആ​ശു​പ​ത്രി​യി​ൽ ഇ​ൻ​ജ​ക്ഷ​നെ​ടു​ത്ത​പ്പോ​ൾ എ​ന്തു​കൊ​ണ്ടാ​ണ് ത​നി​ക്ക് ദേ​ഹാ​സ്വാ​സ്ഥ്യ​വും ക്ഷീ​ണ​വും ചൊ​റി​ഞ്ഞു​ത​ടി​ക്ക​ലു​മ​നു​ഭ​വ​പ്പെ​ട്ട​തെ​ന്നും അ​ന്വേ​ഷി​ക്ക​ണ​മെ​ന്നു​മാ​വ​ശ്യ​പ്പെ​ട്ടാ​ണ് ഫാ​ത്തി​മ പ​രാ​തി ന​ൽ​കി​യി​രി​ക്കു​ന്ന​ത്. ദേ​ഹാ​സ്വാ​സ്ഥ്യം വ​ർ​ധി​ച്ച​തോ​ടെ ഫാ​ത്തി​മ​യെ തൃ​ശൂ​ർ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലേ​ക്ക് കൊ​ണ്ടു​പോ​യി. അ​വി​ടെ ന​ൽ​കി​യ ചി​കി​ത്സ​യെ തു​ട​ർ​ന്ന് ഫാ​ത്തി​മ​യ്ക്ക് അ​സു​ഖം അ​ൽ​പം ഭേ​ദ​പ്പെ​ട്ടു. എ​ങ്കി​ലും ക്ഷീ​ണ​വും ലോ ​ബി​പി​യും തു​ട​രു​ന്നു​ണ്ടെ​ന്ന് വീ​ട്ടു​കാ​ർ പ​റ​യു​ന്നു.