തൃശ്ശൂർ: ലോക്സഭാ തിരഞ്ഞെടുപ്പിൽ എല്ലാ രാഷ്ട്രീയ പാർട്ടികളിലെയും സമുദായങ്ങളിലെയും വോട്ടർമാർ തനിക്ക് വോട്ടുചെയ്തു എന്ന് കേന്ദ്ര സഹമന്ത്രി സുരേഷ് ഗോപി. തൃശ്ശൂരിൽ നടന്ന ബി.ജെ.പി. കൺവെൻഷനിൽ സംസാരിക്കുകയായിരുന്നു അദ്ദേഹം. (All parties and communities voted for me, says Suresh Gopi)
സി.പി.എം., സി.പി.ഐ., കോൺഗ്രസ് പാർട്ടികളുടെ വോട്ടുകൾ പോലും ബി.ജെ.പിക്ക് ലഭിച്ചുവെന്നും, തിരഞ്ഞെടുപ്പ് സമയത്തെ ആ അനുകൂലമായ 'കാലാവസ്ഥ' ഇപ്പോഴും തൃശ്ശൂരിൽ നിലനിൽക്കുന്നുണ്ടെന്നും സുരേഷ് ഗോപി അവകാശപ്പെട്ടു. ലോക്സഭാ തിരഞ്ഞെടുപ്പ് പ്രചാരണ വേളയിൽ താൻ എതിർ സ്ഥാനാർത്ഥിയുടെ പേര് പോലും പറഞ്ഞിട്ടില്ലെന്ന് സുരേഷ് ഗോപി ചൂണ്ടിക്കാട്ടി.
കെ. മുരളീധരൻ തന്നെക്കുറിച്ച് മോശമായി സംസാരിച്ചപ്പോഴും "അത് മുരളിച്ചേട്ടനല്ലേ" എന്നാണ് താൻ പ്രതികരിച്ചത്. "സ്വർണവും ഗർഭവും ഒന്നുമല്ല നമ്മുടെ വിഷയം," എന്നും അദ്ദേഹം പ്രസ്താവിച്ചു.