തിരുവനന്തപുരം: പി.എം. ശ്രീ പദ്ധതിയുമായി ബന്ധപ്പെട്ട് എ.ഐ.എസ്.എഫ് (AISF), എ.ഐ.വൈ.എഫ് (AIYF) എന്നിവ നടത്തിയ പ്രതിഷേധങ്ങൾ അതിരുകടന്നുവെന്ന് വിദ്യാഭ്യാസമന്ത്രി വി. ശിവൻകുട്ടി പറഞ്ഞു. ഇത് സി.പി.എം. - സി.പി.ഐ. പ്രശ്നമാണ്. ഇതിൽ ഇടപെടുന്നവർ വാക്കുകൾ സൂക്ഷിച്ച് ഉപയോഗിക്കണം എന്നും മന്ത്രി മുന്നറിയിപ്പ് നൽകി.(AISF, AIYF protests 'crossed the line, says Minister V Sivankutty)
"അവരുടെ നേതാക്കൾ വേദനിപ്പിക്കുന്ന പല വാക്കുകളും പറഞ്ഞു," എന്നും മന്ത്രി കൂട്ടിച്ചേർത്തു. പി.എം. ശ്രീ പദ്ധതിയിൽ കൂടുതൽ പ്രതികരണത്തിനില്ലെന്ന് വ്യക്തമാക്കിയ മന്ത്രി, മുഖ്യമന്ത്രിയുടെ നേതൃത്വത്തിൽ ഉപസമിതി രൂപീകരിച്ചിട്ടുണ്ടെന്നും അറിയിച്ചു.
"മരവിപ്പിക്കുന്നത് പ്രായോഗികമാണോ, ഫണ്ട് വാങ്ങിയ ശേഷം പദ്ധതി നടപ്പാക്കാതിരിക്കാൻ പറ്റുമോ" എന്ന ചോദ്യത്തിന്, "എല്ലാം ആലോചിച്ചിട്ടാണ് ചെയ്തത്" എന്നായിരുന്നു മന്ത്രിയുടെ മറുപടി.