തിരുവനന്തപുരം: സംസ്ഥാന സ്കൂൾ കായിക മേളയിലെ പ്രായത്തട്ടിപ്പ് വിവാദത്തെ തുടർന്ന് രണ്ട് അത്‍ലറ്റുകളെ ദേശീയ സ്കൂൾ മീറ്റിനുള്ള പരിശീലന ക്യാമ്പിൽ നിന്ന് കേരളം ഒഴിവാക്കി. ഈ അത്‌ലറ്റുകളുടെ ആധാർ കാർഡ് വ്യാജമാണെന്ന് കണ്ടെത്തിയതിനെ തുടർന്നാണ് നടപടി. ഇരുവരും ഇതര സംസ്ഥാനങ്ങളിൽ നിന്നുള്ള വിദ്യാർത്ഥികളാണ്.(Age fraud controversy, Kerala excludes 2 athletes from national school meet camp)
സംസ്ഥാന സ്കൂൾ കായികമേളയിൽ മെഡൽ നേടിയ രണ്ട് താരങ്ങളെയാണ് ഒഴിവാക്കിയത്. പ്രേം ഓജ, സീനിയർ ആൺകുട്ടികളുടെ റിലേ ടീം അംഗം (തിരുനാവായ നാവാമുകുന്ദ സ്കൂൾ), സഞ്ജയ്, സബ് ജൂനിയർ ആൺ 100 മീറ്റർ താരം (പുല്ലൂരാംപാറ സെന്റ് ജോസഫ് സ്കൂൾ) എന്നിവരാണിത്.
സംസ്ഥാന തലത്തിൽ മെഡൽ നേടിയ അത്‌ലറ്റുകൾക്കെതിരെ പ്രായത്തട്ടിപ്പ് കണ്ടെത്തിയ സംഭവം കായിക രംഗത്ത് വലിയ വിവാദമായിരിക്കുകയാണ്. കായിക താരങ്ങളെ ചേർക്കുന്നതുമായി ബന്ധപ്പെട്ട് സ്കൂളുകൾ കൂടുതൽ ജാഗ്രത പാലിക്കേണ്ടതിന്റെ ആവശ്യകത ഈ സംഭവം അടിവരയിടുന്നു.