കൊച്ചി: മലയാള സിനിമയിലെ പ്രിയ നടിമാരായ ഉർവശി, കലാരഞ്ജിനി, പരേതയായ കൽപ്പന എന്നിവരുടെ സഹോദരനും നടനുമായ കമൽ റോയ് അന്തരിച്ചു (Actor Kamal Roy Passed Away). ചവറ വി.പി. നായരുടെയും വിജയലക്ഷ്മിയുടെയും മകനാണ്. പരേതനായ നടൻ നന്ദു (പ്രിൻസ്) കമലിന്റെ മറ്റൊരു സഹോദരനാണ്. നിരവധി സിനിമകളിലും ടെലിവിഷൻ പരമ്പരകളിലും ശ്രദ്ധേയമായ വേഷങ്ങൾ കൈകാര്യം ചെയ്തിട്ടുള്ള കമൽ റോയിയുടെ വിയോഗം സിനിമാ ലോകത്തിന് വലിയ നൊമ്പരമായി.
വിനയൻ സംവിധാനം ചെയ്ത 'കല്യാണസൗഗന്ധികം' എന്ന ചിത്രത്തിലെ വില്ലൻ വേഷത്തിലൂടെയാണ് കമൽ റോയ് ഏറെ ശ്രദ്ധിക്കപ്പെട്ടത്. 'യുവജനോത്സവം' എന്ന സിനിമയിലെ പ്രശസ്തമായ 'ഇന്നുമെന്റെ കണ്ണുനീരിൽ' എന്ന ഗാനരംഗത്തിൽ അഭിനയിച്ചതും ഇദ്ദേഹമാണ്. 'സായൂജ്യം', 'കോളിളക്കം', 'മഞ്ഞ്', 'കിങ്ങിണി', 'വാചാലം', 'ശോഭനം', 'ദി കിങ് മേക്കർ', 'ലീഡർ' തുടങ്ങിയ നിരവധി ചിത്രങ്ങളിൽ അദ്ദേഹം അഭിനയിച്ചിട്ടുണ്ട്. സിനിമകൾക്ക് പുറമെ വിനയ പ്രസാദ് പ്രധാന വേഷത്തിലെത്തിയ 'ശാരദ' എന്ന ജനപ്രിയ പരമ്പരയിലും കമൽ റോയ് മികച്ച പ്രകടനം കാഴ്ചവെച്ചിരുന്നു.
സംവിധായകൻ വിനയൻ സോഷ്യൽ മീഡിയയിലൂടെ കമൽ റോയിയെ അനുസ്മരിച്ചു. "കല്യാണസൗഗന്ധികം എന്ന എന്റെ സിനിമയിൽ ദിലീപിന്റെ വില്ലനായിട്ട് കമൽ അഭിനയിച്ചിരുന്നു. സുകുമാരിച്ചേച്ചി ആയിരുന്നു അന്ന് കമലിനെ കുറിച്ച് എന്നോടു പറഞ്ഞതെന്ന കാര്യം ഓർക്കുന്നു," വിനയൻ കുറിച്ചു. ദീർഘകാലമായി അഭിനയരംഗത്ത് സജീവമായിരുന്ന അദ്ദേഹം ഒരു കലാകുടുംബത്തിലെ അവിഭാജ്യ ഘടകമായിരുന്നു. സഹോദരന്റെ വിയോഗത്തിൽ ഉർവശിയും കുടുംബവും അഗാധമായ ദുഃഖത്തിലാണ്.
Actor Kamal Roy, brother of veteran actresses Urvashi, Kalaranjini, and the late Kalpana, has passed away. He was well-known for his villainous role in Vinayan's film Kalyanasaugandhikam and his appearance in the iconic song "Innumente Kannuneeril" from Yuvajanotsavam. Kamal Roy acted in several films like Sayujyam, Manju, and Vachalam, and was also a familiar face in TV serials like Sharada. Director Vinayan paid tribute, recalling how late actress Sukumari introduced Kamal to him for his film career.