തിരുവനന്തപുരം : കെഎസ്ആർടിസി ബസും പിക്കപ്പ് വാനും കൂട്ടിയിടിച്ച് അപകടം. ഇന്ന് ഉച്ചയോടെ വെള്ളായണി ഊക്കോട് ജങ്ഷന് സമീപത്താണ് അപകടമുണ്ടായത്. സംഭവത്തിൽ വാനിന്‍റെ ഡ്രൈവർക്ക് പരിക്കേറ്റു.
കല്ലിയൂർ ഭാഗത്ത് നിന്നും വന്ന പിക്കപ്പ് വാൻ പെരിങ്ങമ്മലയിലേക്ക് പോയ കെഎസ്ആർടിസി ബസിലിടിച്ചാണ് അപകടമുണ്ടായത്. വളവ് തിരിഞ്ഞെത്തിയ പിക്കപ്പ് നിയന്ത്രണം നഷ്ടപ്പെട്ട് ബസിലിടിക്കുകയായിരുന്നു.
അപകടത്തിൽ പരുക്കേറ്റ ഡ്രൈവർ വാനിൽ കുടുങ്ങിയതോടെ ഫയർഫോഴസെത്തി പിക്കപ്പ് വെട്ടിപ്പൊളിച്ചാണ് ഡ്രൈവറെ ആശുപത്രിയിലെത്തിച്ചത്. അപകടത്തിൽ ബസിനും പിക്കപ്പ് വാനും കാര്യമായ തകരാറുണ്ടായി.