ഇടുക്കി: പുഷ്പ 2 കാണാന്‍ തമിഴ്‌നാട്ടില്‍ പോയ യുവാവ് ബൈക്ക് അപകടത്തില്‍ മരിച്ചു(Accident death). കൂടെ സഞ്ചരിച്ച സുഹൃത്ത് ഗുരുതരാവസ്ഥയില്‍.
വണ്ടിപെരിയാര്‍ എച്ച്പിസി മൂലക്കയം പുതുവല്‍ ജയറാം പ്രതീപ് (22) ആണ് മരിച്ചത്. മൂലക്കയം സ്വദേശിയായ രാഹുല്‍ (വിഷ്ണു-23) ഗുരുതരാവസ്ഥയില്‍ അപ്പോളോ ആശുപത്രിയില്‍ ചികിത്സയിലാണ്.
കഴിഞ്ഞ ദിവസം പുലര്‍ച്ചെ രണ്ടിന് ഇവര്‍ സഞ്ചരിച്ച ബൈക്ക് കമ്പത്ത് വച്ച് ബസില്‍ ഇടിക്കുകയായിരുന്നു. തുടര്‍ന്ന് മധുരൈ അപ്പോളോ ആശുപത്രിയില്‍ പ്രവേശിപ്പിച്ചെങ്കിലും ജയറാം പ്രതീപ് മരണത്തിന് കീഴടങ്ങുകയായിരുന്നു.