തിരുവനന്തപുരം: സിപിഐഎം തിരുവനന്തപുരം ജില്ലാ സെക്രട്ടറിയുടെ താല്ക്കാലിക ചുമതല എ.എ. റഹീം എംപിക്ക്. നിർദ്ദേശത്തിന് ജില്ലാ കമ്മിറ്റി അംഗീകാരം നൽകി. നിലവിലെ സെക്രട്ടറി വി. ജോയി വർക്കല മണ്ഡലത്തിൽ വീണ്ടും ജനവിധി തേടുന്നതിനാലാണ് സംഘടനാ ചുമതലകളിൽ മാറ്റം വരുത്തിയത്.(AA Rahim gets the position of Thiruvananthapuram CPIM district secretary)
വർക്കല സീറ്റിലെ സ്ഥാനാർത്ഥിത്വത്തെച്ചൊല്ലി പാർട്ടിയിൽ നേരത്തെ ചില അനിശ്ചിതത്വങ്ങൾ നിലനിന്നിരുന്നു. ജില്ലാ സെക്രട്ടറി പദവിയിലിരിക്കുന്നവർ തിരഞ്ഞെടുപ്പിൽ മത്സരിക്കേണ്ടതില്ലെന്ന പൊതുവായ നിലപാടാണ് സംസ്ഥാന നേതൃത്വം ആദ്യം സ്വീകരിച്ചിരുന്നത്.
എന്നാൽ, വി. ജോയി മാറിനിന്നാൽ വർക്കല സീറ്റ് നിലനിർത്തുക പ്രയാസകരമാകുമെന്ന് ജില്ലാ നേതൃത്വം ശക്തമായി വാദിച്ചു. തിരഞ്ഞെടുപ്പ് പ്രവർത്തനങ്ങൾ ഏകോപിപ്പിക്കുക എന്ന നിർണ്ണായക ദൗത്യമാണ് എ.എ. റഹീമിന് ഇപ്പോൾ നൽകിയിരിക്കുന്നത്.
