
തിരുവനന്തപുരം: റീജിയണൽ കാൻസർ സെന്ററിൽ (ആര്സിസി) വനിതാ ജീവനക്കാരുടെ വിശ്രമ മുറിയില് ഒളിക്യാമറ വച്ചെന്ന് പരാതി. വിശ്രമിക്കാനും വസ്ത്രം മാറാനും ഉള്പ്പെടെ ജീവനക്കാര് ഉപയോഗിക്കുന്ന മുറിയിലാണ് ഒളിക്യാമറ വച്ചത്. ആര്സിസി മെഡിക്കല് ലബോറട്ടറി വിഭാഗത്തില് ജോലിചെയ്യുന്ന ഒമ്പതു ജീവനക്കാരാണ് പരാതി നൽകിയത്. (RCC)
വനിതാ ജീവനക്കാരുടെ പരാതി അഞ്ചുമാസമായി പോലീസിനു കൈമാറാതെ ആര്സിസി അധികൃതര് ഗുരുതര വീഴ്ച വരുത്തിയതായും ആരോപണമുണ്ട്.
തുടർന്ന് ജീവനക്കാര് ആഭ്യന്തര പരാതി പരിഹാര കമ്മിറ്റിയെ സമീപിച്ചതോടെ കമ്മിറ്റി ജീവനക്കാരനെതിരെ നടപടിയെടുക്കണമെന്ന് ശിപാര്ശ ചെയ്തു.