പാലക്കാട്: പട്ടാമ്പി റെയിൽവേ സ്റ്റേഷനിൽ യുവാവ് ട്രെയിനിന്‍റെ അടിയിപ്പെട്ട് മരിച്ചു. ഉത്തർ പ്രദേശ് സ്വദേശി ഇക്ബാൽ ഖാൻ എന്നയാളാണ് മരിച്ചത്. പട്ടാമ്പി റെയിൽവേ സ്റ്റേഷനിലാണ് ദാരുണ സംഭവം നടന്നത്.
ഒന്നാം നമ്പർ പ്ലാറ്റ്ഫോമിൽ ഇന്ന് വൈകുന്നേരം ആണ് അപകടം നടന്നത്.ഭാര്യയേയും മകനേയും യാത്രയാക്കാൻ വന്ന ഇക്ബാൽ ട്രെയിന്‍റെ അടിയിലേയ്ക്ക് വീഴുകയായിരുന്നു. മംഗള - ലക്ഷദ്വീപ് എക്പ്രസിനടിയിലേക്ക് വീഴുകയായിരുന്നു.
ഭാര്യയും മകനെയും ട്രെയിൻ കയറ്റിയ ശേഷം ലഗേജുകളും കയറ്റിയ ശേഷമാണ് അപകടമുണ്ടായത്. ട്രെയിൻ നീങ്ങിയ ശേഷം ഇയാൾ വീഴുന്നത് കണ്ട് കുടുംബാംഗങ്ങൾ ബഹളം വയ്ക്കുകയും യാത്രക്കാർ ചെയിൻ വലിച്ച് ട്രെയിൻ നിർത്തിക്കുകയായിരുന്നു.