ആലപ്പുഴ: വീടിന് സമീപത്തെ തോട്ടിൽ വീണ് അഞ്ചുവയസുകാരന് ജീവൻ നഷ്ടമായി(Alappuzha). ഇന്ന് വൈകിട്ട് 4 മണിക്കാണ് സംഭവം നടന്നത്. എടത്വാ ചെക്കിടിക്കാട് കണിയാംപറമ്പിൽ ജെയ്സൺ തോമസിന്‍റെയും ആഷയുടെയും മകൻ ജോഷ്വായ്ക്കാണ് ജീവൻ നഷ്ടമായത്.
ജോഷ്വായെ കാണാതായതിനെ തുടർന്ന് നടത്തിയ അന്വേഷണത്തിലാണ് സമീപത്തെ തോട്ടിൽ നിന്നും കുട്ടിയെ കണ്ടെത്തിയത്. ഉടൻ തന്നെ കുട്ടിയെ ആശുപത്രിയൽ എത്തിച്ചെങ്കിലും ഫലമുണ്ടായില്ല. യുകെജി വിദ്യാർഥിയായ ജോഷ്വാ പച്ച വിമല നേഴ്സറി സ്കൂളിലാണ് പഠിക്കുന്നത്.