കൊല്ലം: അഞ്ചലിന് സമീപം ഉണ്ടായ വാഹനാപകടത്തിൽ മൂന്ന് പേർ മരിച്ചു. ശബരിമല തീർത്ഥാടകർ സഞ്ചരിച്ച ബസ്സും ഓട്ടോറിക്ഷയും കൂട്ടിയിടിച്ചാണ് ദാരുണമായ അപകടം സംഭവിച്ചത്. മരിച്ച മൂന്ന് പേരും ഓട്ടോറിക്ഷയിൽ യാത്ര ചെയ്തവരാണ്.(3 people tragically die after Sabarimala pilgrims' bus and auto collide)
അപകടത്തിൽ മരിച്ച മൂന്ന് പേരും കരവാളൂർ സ്വദേശികളാണ്. ശ്രുതി ലക്ഷ്മി, ജ്യോതി ലക്ഷ്മി, അക്ഷയ (ഓട്ടോറിക്ഷ ഡ്രൈവർ) എന്നിവരാണിത്. സംഭവസ്ഥലത്തു വെച്ചുതന്നെ മൂന്നുപേരും മരണപ്പെട്ടതായാണ് റിപ്പോർട്ട്.
അഞ്ചലിന് സമീപം ഇന്ന് രാവിലെയായിരുന്നു അപകടം. ശബരിമല തീർത്ഥാടകർ സഞ്ചരിച്ച ബസ്സാണ് ഓട്ടോറിക്ഷയുമായി കൂട്ടിയിടിച്ചത്. ഇടിയുടെ ആഘാതത്തിൽ ഓട്ടോറിക്ഷ പൂർണമായും തകർന്നു. അപകടത്തെ തുടർന്ന് നാട്ടുകാരും പോലീസും ചേർന്ന് രക്ഷാപ്രവർത്തനങ്ങൾ നടത്തി. മൃതദേഹങ്ങൾ പോസ്റ്റ്മോർട്ടത്തിനായി മാറ്റി.