കൊച്ചി: 88.93 ഗ്രാം എം.ഡി.എം.എ. വിൽപ്പന നടത്തിയ കേസിൽ പങ്കുണ്ടെന്ന് കണ്ടെത്തിയതിനെ തുടർന്ന് രണ്ട് പേരെക്കൂടി കൊച്ചി സിറ്റി പോലീസ് അറസ്റ്റ് ചെയ്തു. ഇതോടെ കേസിൽ പിടിയിലായവരുടെ എണ്ണം മൂന്നായി. കടവന്ത്ര പോലീസ് നടത്തിയ അന്വേഷണത്തിനൊടുവിലാണ് ഇരുവരും പിടിയിലായത്.(2 more people, including a woman, arrested in MDMA case in Kochi)
ബോവ്സ് വർഗീസ് (26) കേസിലെ രണ്ടാം പ്രതിയാണ്. വിന്ധ്യ രാജൻ കേസിലെ മൂന്നാം പ്രതിയാണ്. കലൂർ കത്രിക്കടവ് റോഡിലെ വാടക വീട്ടിൽ താമസിക്കുകയായിരുന്ന ഇവരെ അവിടെ നിന്നാണ് പോലീസ് കസ്റ്റഡിയിലെടുത്തത്. നേരത്തെ എം.ഡി.എം.എയുമായി പിടിയിലായ ഒന്നാം പ്രതി ജോബിൻ ജോസഫ് നൽകിയ നിർണ്ണായക മൊഴിയാണ് അന്വേഷണം ഇവരിലേക്ക് നീളാൻ കാരണം.
വൈദ്യപരിശോധന അടക്കമുള്ള നടപടിക്രമങ്ങൾ പൂർത്തിയാക്കിയ പ്രതികളെ കോടതിയിൽ ഹാജരാക്കി 14 ദിവസത്തേക്ക് ജുഡീഷ്യൽ കസ്റ്റഡിയിൽ വിട്ടു. ഒന്നാം പ്രതി ജോബിൻ ജോസഫും റിമാൻഡിലാണ്.