പാലക്കാട് : പത്താം ക്ലാസുകാരായ ആറ് പേർ ചേർന്ന് എട്ടാം ക്ലാസ് വിദ്യാർഥിയെ ക്രൂരമായി മർദിച്ചു.മണ്ണാര്‍ക്കാട് കാരാകുര്‍ശ്ശി സര്‍ക്കാര്‍ ഹൈസ്‌കൂളിലാണ് സംഭവം നടന്നത്.
ശരീരമാസകലം പരിക്കേറ്റ കുട്ടിയെ മണ്ണാർക്കാട് താലൂക്ക് ആശുപത്രിയിലാണ് ആദ്യം പ്രവേശിപ്പിച്ചത് പിന്നീട് സ്വകാര്യ ആശുപത്രിയിലും പ്രവേശിപ്പിക്കുകയായിരുന്നു. യൂണിഫോം ധരിച്ചില്ലെന്ന് ആരോപിച്ച് എട്ടാംക്ലാസുകാരനെ പത്താംക്ലാസ് വിദ്യാര്‍ത്ഥികള്‍ ക്രൂരമായി മര്‍ദിക്കുകയായിരുന്നു.
സംഭവത്തിൽ ആറ് വിദ്യാര്‍ത്ഥികള്‍ക്കെതിരെ കുട്ടിയുടെ പിതാവ് പൊലീസില്‍ പരാതി നല്‍കി. കുട്ടിയുടെ പിതാവിന്റെ പരാതി പരിശോധിച്ച് തയാറാക്കിയ റിപ്പോര്‍ട്ട് കല്ലടിക്കോട് പൊലീസ് ജുവൈനല്‍ ബോര്‍ഡിന് കൈമാറി.