കോട്ടയം: ഭാര്യയെ കൊലപ്പെടുത്തിയതിന് ശേഷം ഭർത്താവ് ജീവനൊടുക്കി. പാമ്പാടി ഇല്ലിവളവ് മാടവന വീട്ടിൽ സുധാകരൻ (64), ഭാര്യ ബിന്ദു (58) എന്നിവരാണ് മരിച്ചത്. കുടുംബവഴക്കിനെത്തുടർന്ന് ബിന്ദുവിനെ സുധാകരൻ തലയ്ക്കടിച്ച് കൊലപ്പെടുത്തിയ ശേഷം സ്വയം തൂങ്ങിമരിക്കുകയായിരുന്നു എന്നാണ് പോലീസിന്റെ പ്രാഥമിക നിഗമനം.(Husband commits suicide after killing wife in Kottayam)
ഇന്ന് ഉച്ചയ്ക്ക് 12.30-ഓടെ സുധാകരനെ വീട്ടിനുള്ളിൽ തൂങ്ങിമരിച്ച നിലയിൽ കണ്ടെത്തുകയായിരുന്നു. തുടർന്ന് പോലീസ് സ്ഥലത്തെത്തി നടത്തിയ പരിശോധനയിലാണ് ഭാര്യ ബിന്ദുവിനെ വീടിനുള്ളിൽ തന്നെ മരിച്ച നിലയിൽ കണ്ടെത്തിയത്.
ഇവർ തമ്മിൽ നേരത്തെ കുടുംബപ്രശ്നങ്ങൾ ഉണ്ടായിരുന്നതായി സൂചനയുണ്ട്. ഇവർക്ക് സുദീപ്, സുമിത്, സുബിത എന്നിങ്ങനെ മൂന്ന് മക്കളാണുള്ളത്. സംഭവസമയത്ത് മക്കളാരും വീട്ടിൽ ഉണ്ടായിരുന്നില്ല.
