Follow on Google News
തിരുവനന്തപുരം: ജില്ലയിലെ നിയമസഭാ തിരഞ്ഞെടുപ്പ് പോളിങ് കണക്കുകൾ പുറത്തുവരുമ്പോൾ രാഷ്ട്രീയ മുന്നണികൾ ആശയക്കുഴപ്പത്തിൽ (Trivandrum Polling Percentage 2026). മുൻ വർഷങ്ങളെ അപേക്ഷിച്ച് പോളിങ് ശതമാനത്തിൽ 10 മുതൽ 14 ശതമാനം വരെ വർദ്ധനവ് പല മണ്ഡലങ്ങളിലും ദൃശ്യമാണെങ്കിലും, രേഖപ്പെടുത്തിയ ആകെ വോട്ടുകളുടെ എണ്ണത്തിൽ വൻ ഇടിവ് രേഖപ്പെടുത്തി. ഇത് തിരഞ്ഞെടുപ്പ് ഫലത്തെ എങ്ങനെ ബാധിക്കുമെന്ന ആശങ്കയിലാണ് എൽ.ഡി.എഫും യു.ഡി.എഫും.
ജില്ലയിലെ പ്രധാന മണ്ഡലങ്ങളിലെല്ലാം വോട്ടുകളുടെ എണ്ണത്തിൽ ആയിരക്കണക്കിന് വോട്ടിന്റെ കുറവുണ്ട്.
പാറശ്ശാലയാണ് ഏറ്റവും കൂടുതൽ വോട്ടുകൾ കുറഞ്ഞ മണ്ഡലം (10,320 വോട്ടുകൾ). നെയ്യാറ്റിൻകരയിൽ 8,534 വോട്ടുകളുടെ കുറവുണ്ട്. കഴക്കൂട്ടത്ത് 8,243 വോട്ടുകളുടെ കുറവും, തിരുവനന്തപുരത്ത് 8,098 വോട്ടുകളുടെ കുറവും രേഖപ്പെടുത്തി. അതേസമയം , കടുത്ത ത്രികോണ മത്സരം നേമത്ത് ഇവിടെ 7,265 വോട്ടുകൾ കുറഞ്ഞു.
വോട്ടർ പട്ടികയിൽ നടത്തിയ വൻതോതിലുള്ള ശുദ്ധീകരണമാണ് (Purging of Voter List) ഈ മാറ്റത്തിന് കാരണമെന്നാണ് പ്രാഥമിക നിഗമനം. ഇരട്ട വോട്ടുകളും മരിച്ചവരുടെ വോട്ടുകളും പട്ടികയിൽ നിന്ന് നീക്കം ചെയ്തതോടെ ആകെ വോട്ടർമാരുടെ എണ്ണം കുറഞ്ഞു. ഇതോടെയാണ് പോളിങ് ശതമാനത്തിൽ വർദ്ധനവ് പ്രകടമായത്. എന്നാൽ അർഹരായ പലരും പട്ടികയ്ക്ക് പുറത്തായോ എന്ന സംശയം രാഷ്ട്രീയ കേന്ദ്രങ്ങൾ ഉയർത്തുന്നുണ്ട്.
ആശങ്കകൾക്കിടയിലും ജില്ലയിൽ പത്ത് സീറ്റുകളിൽ കുറയാത്ത വിജയം നേടുമെന്ന ആത്മവിശ്വാസത്തിലാണ് സിപിഎം.പാറശ്ശാല, ആറ്റിങ്ങൽ, വട്ടിയൂർക്കാവ്, കഴക്കൂട്ടം, വാമനപുരം, വർക്കല എന്നിവിടങ്ങളിലാണ് സിപിഎം വിജയം ഉറപ്പിക്കുന്നത്. അരുവിക്കര, നേമം. ഈ മണ്ഡലങ്ങളിൽ കടുത്ത പോരാട്ടമാണ് നടന്നതെന്ന് പാർട്ടി വിലയിരുത്തുന്നു.തിരുവനന്തപുരം, കോവളം. ഇവിടെ പൊതുസ്വതന്ത്രർക്ക് വിജയിക്കാനാവില്ലെന്നാണ് പാർട്ടിയുടെ കണക്കുകൂട്ടൽ.വോട്ടർ പട്ടികയിലെ ഈ അഴിച്ചുപണി ആർക്ക് ഗുണം ചെയ്യുമെന്ന് മെയ് നാലിന് വോട്ടെണ്ണുമ്പോൾ മാത്രമേ വ്യക്തമാകൂ.
Story Summary:
Thiruvananthapuram district witnessed a peculiar trend in the recent assembly elections where the polling percentage increased significantly while the total number of votes cast decreased. Parasala recorded the highest dip of over 10,000 votes. This is attributed to the removal of duplicate and deceased voters from the electoral rolls. While CPM remains confident of winning at least 10 seats, including Kazhakkoottam and Vattiyoorkavu, they admit to having concerns over Nemom and Aruvikkara.
