കോഴിക്കോട്: മുസ്ലിം ലീഗ് സ്ഥാനാർത്ഥി പട്ടിക പ്രഖ്യാപിക്കാൻ തയ്യാറെടുക്കവേ, മുതിർന്ന നേതാവ് ഡോ. എം.കെ. മുനീറിനെതിരെ പാർട്ടിക്കുള്ളിൽ ഒരു വിഭാഗത്തിന്റെ കടന്നാക്രമണം. ആരോഗ്യപ്രശ്നങ്ങൾ ചൂണ്ടിക്കാട്ടി മുനീറിനെ ഇത്തവണ മത്സരരംഗത്തുനിന്ന് മാറ്റിനിർത്തണമെന്നാണ് സോഷ്യൽ മീഡിയയിലൂടെ ഉയരുന്ന ആവശ്യം.(A group of leaders against MK Muneer, Cyber war)
കഴിഞ്ഞ വർഷം മുനീറിനുണ്ടായ ശാരീരിക അവശതകൾ ചൂണ്ടിക്കാട്ടിയാണ് പ്രചാരണം നടക്കുന്നത്. മുനീറിന്റെ സിറ്റിംഗ് സീറ്റായ കൊടുവള്ളിയിലും അദ്ദേഹം മത്സരിക്കാൻ സാധ്യതയുള്ള കോഴിക്കോട് സൗത്ത് മണ്ഡലത്തിലും ഇത്തരത്തിൽ സന്ദേശങ്ങൾ പ്രചരിക്കുന്നുണ്ട്.
