ദിയോഘർ : തിരഞ്ഞെടുപ്പ് നടക്കാനിരിക്കുന്ന ജാർഖണ്ഡിൽ ബിജെപിയെ കടന്നാക്രമിച്ച് മുഖ്യമന്ത്രി ഹേമന്ത് സോറൻ (Hemant Soren ). സമൂഹത്തിൽ വിഭജനം സൃഷ്ടിക്കുകയും , പാർശ്വവൽക്കരിക്കപ്പെട്ട വിഭാഗങ്ങളെ പിന്തുണയ്ക്കുന്നതിൽ ബിജെപി പരാജയപ്പെടുകയും ചെയ്തിരിക്കുകയാണെന്നാണ് സോറൻ പറഞ്ഞത്.
"ഇവർ (ബിജെപി) ഹിന്ദു-മുസ്ലിം സംഘർഷം ഇളക്കിവിടുന്നു, അവർ സഹോദരങ്ങൾക്കിടയിൽ വഴക്കുണ്ടാക്കുകയും വീടുകളിൽ ഭിന്നത സൃഷ്ടിക്കുകയും ചെയ്യുന്നു. ഇന്ന്, ഈ ബിജെപി നേതാക്കളോട് അവരുടെ പ്രധാനമന്ത്രിയെ ചോദ്യം ചെയ്യാൻ ഞാൻ ആവശ്യപ്പെടുന്നു- സോറൻ പറഞ്ഞു.
ഹിന്ദുക്കളും മുസ്ലീങ്ങളും തമ്മിലുള്ള കലാപത്തിന് ശേഷം, ബംഗ്ലാദേശിൽ നിന്നുള്ള നുഴഞ്ഞുകയറ്റത്തിന് ആരാണ് ഉത്തരവാദി എന്നും അദ്ദേഹം ചോദിച്ചു.