റാഞ്ചി: അഴിമതിക്കാർക്കെതിരെ കർശന നടപടിയെടുക്കുമെന്ന് പ്രധാനമന്ത്രി മോദി. നിയമസഭാ തിരഞ്ഞെടുപ്പ് നടക്കുന്ന ജാർഖണ്ഡിലെ ബൊക്കാറോയിൽ നടന്ന യോഗത്തിൽ സംസാരിക്കവെയാണ് പ്രധാനമന്ത്രി ഇക്കാര്യം പറഞ്ഞത്.(Jharkhand Election)
കോൺഗ്രസും ജെഎംഎമ്മും പാർട്ടികളും സംയുക്തമായി സംസ്ഥാനത്തെ കൊള്ളയടിക്കുകയാണ്. ഈ സംസ്ഥാന സർക്കാർ ജനങ്ങളുടെ പണം കൊള്ളയടിക്കുകയാണ്. ഇവിടെ നടത്തിയ റെയ്ഡിൽ ഒട്ടേറെ പണം പിടിച്ചെടുത്തു. അഴിമതിക്കാരെ കഠിനമായി ശിക്ഷിക്കുമെന്ന് ഞാൻ നിങ്ങൾക്ക് ഉറപ്പ് നൽകുന്നു. നിങ്ങളുടെ പണം നിങ്ങൾക്കായി തന്നെ ചെലവഴിക്കുമെന്നും പ്രധാനമന്ത്രി പറഞ്ഞു.
ജെഎംഎം-കോൺഗ്രസ് സഖ്യം ജാർഖണ്ഡിൽ ചോദ്യപേപ്പറുകൾ ചോർത്താനും ഉദ്യോഗാർത്ഥികളെ റിക്രൂട്ട് ചെയ്യാനും മാഫിയകളെ സൃഷ്ടിച്ചു. അവർക്കെതിരായ ആക്രമണം തുടരും. എല്ലാവരെയും പിടികൂടി ജയിലിൽ അടയ്ക്കും. യുവാക്കളുടെ ഭാവി തകർക്കുന്നവരുടെ പദ്ധതികളെ ബിജെപി പരാജയപ്പെടുത്തും- പ്രധനമന്ത്രി കൂട്ടിച്ചേർത്തു.