ന്യൂഡൽഹി: പശ്ചിമേഷ്യയിലെ യുദ്ധസാഹചര്യത്തെത്തുടർന്ന് ഗൾഫ് രാജ്യങ്ങളിൽ നിന്ന് ഇതുവരെ 52,000-ത്തിലധികം ഇന്ത്യൻ പൗരന്മാർ മാതൃരാജ്യത്ത് തിരിച്ചെത്തി. വിദേശകാര്യ മന്ത്രാലയമാണ് ഇക്കാര്യം ഔദ്യോഗികമായി അറിയിച്ചത്.( West Asian conflict, 52,000 Indians returned)
വ്യോമപാതകൾ ഭാഗികമായി തുറന്നതോടെ വിമാന സർവീസുകൾ പ്രയോജനപ്പെടുത്തിയാണ് ഇത്രയും പേർ മടങ്ങിയെത്തിയത്. വരും ദിവസങ്ങളിൽ കൂടുതൽ പ്രത്യേക സർവീസുകൾ ഏർപ്പെടുത്തുമെന്നും മന്ത്രാലയം വ്യക്തമാക്കി. പേർഷ്യൻ കടലിടുക്കിൽ കുടുങ്ങിക്കിടക്കുന്ന 36 ഇന്ത്യൻ ചരക്ക് കപ്പലുകളെ സുരക്ഷിതമായി മടക്കിക്കൊണ്ടുവരാനുള്ള നടപടികൾ കേന്ദ്രസർക്കാർ ആരംഭിച്ചു.
ചരക്ക് കപ്പലുകൾക്ക് സംരക്ഷണം നൽകുന്നതിനായി ഇന്ത്യൻ നാവികസേനയുടെ യുദ്ധക്കപ്പലുകൾ വിന്യസിക്കുന്നത് സർക്കാർ പരിഗണനയിലാണ്. അറബിക്കടലിലും കൊച്ചി തീരത്തും നാവികസേനയുടെ നിരീക്ഷണം വർദ്ധിപ്പിച്ചു.