കൊൽക്കത്ത: ഐ.പി.എല്ലിൽ പ്ലേ ഓഫ് യോഗ്യത നേടുന്ന ടീമുകൾ ഏതൊക്കെയെന്ന് തീരുമാനിക്കുന്ന ലീഗ് ഘട്ട പോരാട്ടങ്ങൾ ക്ലൈമാക്സിലേക്ക് കടക്കുന്നു. കഴിഞ്ഞ ദിവസം കൊൽക്കത്ത നൈറ്റ് റൈഡേഴ്സിനോട് ഗുജറാത്ത് ടൈറ്റൻസ് അപ്രതീക്ഷിത പരാജയം ഏറ്റുവാങ്ങിയതോടെ പോയിന്റ് പട്ടികയിലെ ആദ്യ നാല് സ്ഥാനങ്ങൾക്കായുള്ള പോരാട്ടം കടുക്കുകയാണ്. ഗുജറാത്തിന്റെ ഈ തോൽവി ടൂർണമെന്റിലെ നാല് പ്രമുഖ ടീമുകൾക്കാണ് നിലവിൽ പ്ലേ ഓഫ് കണക്കുകൂട്ടലുകളിൽ ആശ്വാസമായിരിക്കുന്നത്.(IPL playoff qualification scenario changes after Gujarat Titans loss to KKR as RCB and SRH gain advantage)
ലീഗ് ഘട്ടത്തിൽ ഇനി ഒരേയൊരു മത്സരം മാത്രമാണ് ഗുജറാത്തിന് ബാക്കിയുള്ളത്. നിലവിൽ 13 കളികളിൽ നിന്ന് 16 പോയിന്റാണ് ടീമിനുള്ളത്. സ്വന്തം തട്ടകത്തിൽ ചെന്നൈ സൂപ്പർ കിംഗ്സിനെതിരെയാണ് ഗുജറാത്തിന്റെ അവസാന മത്സരം. ഈ മത്സരത്തിൽ വിജയിച്ചാൽ മാത്രമേ ഗുജറാത്തിന് ആദ്യ ക്വാളിഫയർ സ്ഥാനം ഉറപ്പിക്കാനാകൂ. മറിച്ച് പരാജയപ്പെട്ടാൽ മറ്റ് ടീമുകളുടെ മത്സരഫലങ്ങളും നെറ്റ് റൺറേറ്റും ആശ്രയിച്ച് മാത്രമായിരിക്കും ഗുജറാത്തിന്റെ പ്ലേ ഓഫ് പ്രവേശം.
കൊൽക്കത്തയോട് ഗുജറാത്ത് തോറ്റതിന് പിന്നാലെ പുതിയ പ്രവചന കണക്കുകൾ പ്രകാരം ടീമുകളുടെ പ്ലേ ഓഫ് സാധ്യതകൾ മാറിമറിഞ്ഞിട്ടുണ്ട്. 12 മത്സരങ്ങളിൽ നിന്ന് 16 പോയിന്റുമായി പട്ടികയിൽ ഒന്നാമതുള്ള ആർ.സി.ബിയുടെ പ്ലേ ഓഫ് സാധ്യത 96.1 ശതമാനത്തിൽ നിന്ന് 96.5 ശതമാനമായി ഉയർന്നു. ഗുജറാത്ത് ടൈറ്റൻസ് പട്ടികയിൽ രണ്ടാം സ്ഥാനത്തുണ്ടെങ്കിലും തോൽവിയോടെ ഇവരുടെ സാധ്യത 96.6 ശതമാനത്തിൽ നിന്ന് 96 ശതമാനമായി കുറഞ്ഞു. മൂന്നാം സ്ഥാനത്തുള്ള ഹൈദരാബാദിന്റെ പ്ലേ ഓഫ് സാധ്യത 70.3 ശതമാനത്തിൽ നിന്ന് 70.8 ശതമാനമായി വർദ്ധിച്ചു.
ഗുജറാത്തിനെ തകർത്തതോടെ കെ.കെ.ആറിന്റെ പ്ലേ ഓഫ് പ്രതീക്ഷകൾ സജീവമായി. സാധ്യത 2.6 ശതമാനത്തിൽ നിന്ന് 7.1 ശതമാനമായി കുതിച്ചുയർന്നു. ഗുജറാത്ത് തോറ്റെങ്കിലും രാജസ്ഥാൻ റോയൽസിന്റെ പ്ലേ ഓഫ് സാധ്യതയ്ക്ക് നേരിയ തിരിച്ചടിയേറ്റിട്ടുണ്ട്. രാജസ്ഥാന്റെ സാധ്യത 51.6 ശതമാനത്തിൽ നിന്ന് 51.2 ശതമാനമായി കുറഞ്ഞു. എന്നാൽ അവസാന മൂന്ന് മത്സരങ്ങളിൽ മുംബൈ, ഡൽഹി, ലക്നൗ ടീമുകളെയാണ് നേരിടേണ്ടത് എന്നത് രാജസ്ഥാന് അനുകൂല ഘടകമാണ്. കഴിഞ്ഞ ദിവസം ലക്നൗവിനോട് തോറ്റ ചെന്നൈ സൂപ്പർ കിംഗ്സിന്റെ പ്ലേ ഓഫ് സാധ്യത 28.4 ശതമാനത്തിൽ നിന്ന് വീണ്ടും കുറഞ്ഞ് 28 ശതമാനത്തിൽ എത്തിനിൽക്കുകയാണ്. മറ്റ് ടീമുകളിൽ, രണ്ട് മത്സരങ്ങൾ ബാക്കിയുള്ള പഞ്ചാബ് കിംഗ്സിന്റെ സാധ്യത 48.8 ശതമാനത്തിൽ നിന്ന് 47.4 ശതമാനമായി കുറഞ്ഞു. അവസാന മത്സരങ്ങളിൽ ആർ.സി.ബിയെയും ലക്നൗവിനെയും തോൽപിച്ചാൽ മാത്രമേ പഞ്ചാബിന് 17 പോയിന്റോടെ പ്ലേ ഓഫിൽ എത്താനാകൂ. ഡൽഹി ക്യാപിറ്റൽസിന്റെ സാധ്യത മാറ്റമില്ലാതെ 3.1 ശതമാനത്തിൽ തുടരുകയാണ്.
Story Summary
The IPL play-off race has intensified after Gujarat Titans’ loss to Kolkata Knight Riders. According to Star Sports data, the defeat boosted RCB’s playoff chances to 96.5% and SRH’s to 70.8%, while dropping Gujarat’s to 96% and marginalizing CSK’s down to 28%. Meanwhile, KKR kept their slim hopes alive with a jump to 7.1%.
