അയമോദകവും അതിന്റെ ഇലകളുമെല്ലാം പല രോഗങ്ങൾക്കും മരുന്നാണ്. ആയുർവേദത്തിൽ വ്യാപകമായി ഉപയോഗിക്കുന്ന ഒന്നാണ് അയമോദകം. അടുക്കളയിൽ സുഗന്ധവ്യജ്ഞനമായി ഉപയോഗിക്കുന്ന അയമോദകത്തിന് ഗുണങ്ങളേറെയാണ്. അയമോദകം പൊടിച്ച് ഇളം ചൂടുവെള്ളത്തിൽ ചേർത്ത് കുടിക്കുന്നത് ആരോഗ്യത്തിന് ഏറെ ഗുണങ്ങൾ നൽകുന്നു. പ്രോട്ടീൻ, കൊഴുപ്പ്, ധാതുക്കൾ, ഫൈബർ, കാർബോഹൈഡ്രേറ്റ്, തയാമിൻ, റൈബോഫ്ലേവിൻ, നിയാസിൻ, ഫോസ്ഫറസ്, ഇരുമ്പ്, കാൽസ്യം തുടങ്ങിയ ധാതുക്കളും ഈ ചെറിയ വിത്തുകളിൽ അടങ്ങിയിട്ടുണ്ട്.
ദിവസവും ഒരു ഗ്ലാസ് ഓമം വെള്ളം കുടിക്കുന്നത് ശരീരത്തിന് പലവിധ ആരോഗ്യങ്ങളും പ്രധാനം ചെയ്യുന്നു. ഓമം വെള്ളം ശരീരത്തിൽ നൽകുന്ന അത്ഭുതകരമായ മാറ്റങ്ങൾ എന്തൊക്കെയാണെന്ന് നോക്കാം.
ദഹനം വർധിപ്പിക്കുന്നു
ഓമം വെള്ളം ആയുർവേദ വൃത്തത്തിൽ അറിയപ്പെടുന്ന ഒരു ദഹനസഹായിയാണ്. ഇതിൻ്റെ വിലയേറിയ ഘടകമായ തൈമോൾ, ദഹനപ്രക്രിയയെ ത്വരിതപ്പെടുത്തുന്നു.
ശരീരഭാരം കുറയ്ക്കാൻ സഹായിക്കുന്നു
ഓമം വെള്ളം കുടിക്കുന്നത് മെറ്റബോളിസത്തിൻ്റെ തോത് ത്വരിതപ്പെടുത്തുകയും കൊഴുപ്പ് അലിയിക്കുകയും ചെയ്യുന്നു, അങ്ങനെ ശരീരഭാരം കുറയുന്നു. വായു കോപം കുറയ്ക്കുന്നു. ഓമം വെള്ളം ദഹനത്തെ പിന്തുണയ്ക്കുകയും ദഹനവ്യവസ്ഥയെ പോഷിപ്പിക്കുകയും ചെയ്യുക വഴി മലവിസർജ്ജനം സുഗമമാക്കുകയും ചെയ്യുന്നു.
കണ്ണ് ക്ലെൻസർ
ഓമം വെള്ളം ഉപയോഗിച്ച് കണ്ണുകൾ കഴുകുന്നത് അവയെ വൃത്തിയായി സൂക്ഷിക്കാനും വ്യക്തമായ കാഴ്ച നൽകാനും സഹായിക്കുന്നു.
ബോഡി ക്ലെൻസർ
ഓമം വെള്ളം പതിവായി കഴിക്കുന്നത് ശരീരത്തിലെ ദോഷകരമായ വിഷവസ്തുക്കളെ ഇല്ലാതാക്കാൻ സഹായിക്കുന്നു. ഇത് രക്തത്തെ ശുദ്ധീകരിക്കുകയും ശരീരത്തിലെ രക്തചംക്രമണം മെച്ചപ്പെടുത്തുകയും ചർമ്മത്തെ ശുദ്ധീകരിക്കുകയും ആരോഗ്യമുള്ള ശരീരവും നൽകുകയും ചെയ്യുന്നു.
അസിഡിറ്റി ശമിപ്പിക്കുന്നു
ഓമം വെള്ളത്തിന് അസിഡിറ്റി, ഹൈപ്പർ അസിഡിറ്റി, ആസിഡ് റിഫ്ലക്സ് എന്നിവ സുഖപ്പെടുത്തുന്ന ഗുണങ്ങളുണ്ട്.
ചുമയും ജലദോഷവും
ചുമയ്ക്കും ജലദോഷത്തിനും ഉള്ള ഒരു പരമ്പരാഗത വീട്ടുവൈദ്യമാണ് ഓമം വെള്ളം. കഫം നീക്കം ചെയ്യുന്നതിനും മൂക്കിലെ ബ്ലോക്കുകൾ തുറക്കുന്നതിനും ജലദോഷത്തിനും ചുമയ്ക്കും തൽക്ഷണ ആശ്വാസം നൽകുന്നതിനും ഇത് വളരെ ഫലപ്രദമാണ്. ബ്രോങ്കൈറ്റിസ്, ആസ്ത്മ എന്നിവയ്ക്കുള്ള നല്ലൊരു പ്രതിവിധി കൂടിയാണിത്.
കരളും വൃക്കയും
ഓമം വെള്ളം കുടിക്കുന്നത് വൃക്കകൾക്കും കരളിനും വളരെ ഗുണം ചെയ്യും. ഇത് ശരീരത്തിൽ നിന്ന് വിഷവസ്തുക്കളെ നീക്കം ചെയ്യുകയും വൃക്കയിലെ കല്ലുകൾ അലിയിക്കുകയും ചെയ്യുന്നു.