ന്യൂയോർക്ക്: ഫിഫ ലോകകപ്പ് 2026-ൽ പോർച്ചുഗൽ താരം ക്രിസ്റ്റ്യാനോ റൊണാൾഡോയുടെ പ്രകടനം സമ്മിശ്ര പ്രതികരണങ്ങൾക്കിടയാക്കുന്നു. ഗ്രൂപ്പ് കെ-യിലെ അവസാന മത്സരത്തിൽ കൊളംബിയക്കെതിരെ ഗോൾരഹിത സമനില വഴങ്ങിയതോടെ റൊണാൾഡോയ്ക്കെതിരെ സോഷ്യൽ മീഡിയയിൽ കടുത്ത പരിഹാസമാണ് ഉയരുന്നത്. തന്റെ അഞ്ചാം ലോകകപ്പിൽ കളിക്കുന്ന റൊണാൾഡോയ്ക്ക് കൊളംബിയക്കെതിരായ മത്സരത്തിൽ കാര്യമായൊന്നും ചെയ്യാനായില്ല.(Cristiano Ronaldo faces social media backlash after Portugal draw against Colombia)
ഉസ്ബെക്കിസ്ഥാനെതിരെ രണ്ട് ഗോളുകൾ നേടി ശക്തമായി തിരിച്ചുവന്നെങ്കിലും, നിർണ്ണായക മത്സരത്തിൽ റൊണാൾഡോ പൂർണ്ണമായും നിറം മങ്ങി. മത്സരത്തിൽ ഒരു ഷോട്ട് മാത്രമാണ് താരത്തിന് ഉതിർക്കാനായത്. ഡ്രിബ്ലിംഗിലോ, ഡ്യുവലുകളിലോ വിജയിക്കാൻ റൊണാൾഡോയ്ക്ക് സാധിച്ചില്ല. മാത്രമല്ല, രണ്ട് സുവർണ്ണാവസരങ്ങൾ താരം പാഴാക്കുകയും ചെയ്തു. റൊണാൾഡോയുടെ ഈ പ്രകടനത്തിനെതിരെ വലിയ തോതിലുള്ള ട്രോളുകളാണ് സമൂഹമാധ്യമങ്ങളിൽ നിറയുന്നത്.
മത്സരം സമനിലയിൽ അവസാനിച്ചതോടെ ഗ്രൂപ്പിൽ കൊളംബിയ ഒന്നാമതെത്തി. ഇതോടെ നോക്കൗട്ട് റൗണ്ടിൽ റൊണാൾഡോയുടെ പോർച്ചുഗൽ നേരിടുന്നത് ലൂക്കാ മോഡ്രിച്ചിന്റെ ക്രൊയേഷ്യയെയാണ്. റൊണാൾഡോയ്ക്ക് തന്റെ പഴയ റയൽ മാഡ്രിഡ് സഹതാരത്തിനെതിരെയുള്ള ഈ പോരാട്ടം അതീവ നിർണ്ണായകമായിരിക്കും. കൊളംബിയ നോക്കൗട്ടിൽ ഘാനയെ നേരിടും.
Story Summary
Cristiano Ronaldo is facing widespread social media criticism following his lackluster performance in Portugal’s 0-0 draw against Colombia at the 2026 FIFA World Cup. Despite a strong brace against Uzbekistan earlier, he struggled to make an impact against Colombia, leading to intense scrutiny and memes. Portugal now faces a challenging Round of 32 clash against Luka Modrić’s Croatia.
