മുംബൈ: തെന്നിന്ത്യൻ പ്രിയതാരങ്ങളായ വിജയ് ദേവരകൊണ്ടയുടെയും രശ്മിക മന്ദാനയുടെയും വിവാഹചിത്രങ്ങൾ സോഷ്യൽ മീഡിയയിൽ തരംഗമാകുന്നു (Vijay Rashmika Wedding Photos). ഇൻസ്റ്റാഗ്രാമിൽ ഒരു ഇന്ത്യൻ അക്കൗണ്ടിൽ നിന്ന് ഏറ്റവും കൂടുതൽ ലൈക്കുകൾ ലഭിക്കുന്ന പോസ്റ്റ് എന്ന റെക്കോർഡ് ഈ ചിത്രങ്ങൾ സ്വന്തമാക്കി. ക്രിക്കറ്റ് ഇതിഹാസം വിരാട് കോലിയുടെ പേരിലുണ്ടായിരുന്ന റെക്കോർഡാണ് ഇതോടെ പഴങ്കഥയായത്.
2024-ലെ ടി20 ലോകകപ്പ് വിജയത്തിന് ശേഷം വിരാട് കോലി പങ്കുവെച്ച ചിത്രത്തിന് ലഭിച്ച 22.8 മില്യൺ ലൈക്കുകളെയാണ് രശ്മികയുടെ വിവാഹ പോസ്റ്റ് മറികടന്നത്.വെറും 48 മണിക്കൂറിനുള്ളിൽ 24 മില്യണിലധികം ലൈക്കുകളാണ് ഈ ചിത്രങ്ങൾക്ക് ലഭിച്ചത്.ഇന്ത്യയിൽ നിന്ന് ഏറ്റവും കൂടുതൽ ലൈക്ക് ചെയ്യപ്പെട്ട രണ്ടാമത്തെ ഇൻസ്റ്റാഗ്രാം പോസ്റ്റായി ഇത് മാറി (ആദ്യ സ്ഥാനം കണ്ടന്റ് ക്രിയേറ്റർ കിഷോർ മൊണ്ടലിന്റെ വൈറൽ റീലിനാണ്).
‘ഗീതാ ഗോവിന്ദം’, ‘ഡിയർ കോമ്രേഡ്’ എന്നീ ചിത്രങ്ങളിലൂടെ വെള്ളിത്തിരയിലെ പ്രിയ ജോഡികളായ ഇവർ ജീവിതത്തിലും ഒന്നിക്കണമെന്ന് ആരാധകർ ആഗ്രഹിച്ചിരുന്നു. വർഷങ്ങളായി നീണ്ടുനിന്ന ഗോസിപ്പുകൾക്കും അഭ്യൂഹങ്ങൾക്കും ഒടുവിലാണ് ഇരുവരും വിവാഹിതരായത്. തന്റെ അടുത്ത സുഹൃത്തിനെ തന്നെ പങ്കാളിയായി ലഭിച്ചതിലുള്ള സന്തോഷം വിജയ് ദേവരകൊണ്ട പങ്കുവെച്ചു. ഭർത്താവായി വിജയിയെ പരിചയപ്പെടുത്തിക്കൊണ്ട് രശ്മിക പങ്കുവെച്ച ഹൃദയസ്പർശിയായ കുറിപ്പും ആരാധകർ ഏറ്റെടുത്തു കഴിഞ്ഞു.
സിനിമയിലെ കെമിസ്ട്രി ജീവിതത്തിലും ആവർത്തിച്ച ഈ താരജോഡികൾക്ക് ലോകമെമ്പാടുമുള്ള സിനിമാപ്രേമികളാണ് ആശംസകൾ നേരുന്നത്.
Story Summary: South Indian stars Vijay Deverakonda and Rashmika Mandanna’s wedding photos have created history on Instagram, becoming the most-liked post from an Indian account. They surpassed Virat Kohli’s T20 World Cup post (22.8M likes) by clocking over 24 million likes within 48 hours. Having starred together in hits like Geetha Govindam, the couple finally confirmed their long-rumored relationship with their wedding pictures.
