സിനിമാ ലോകം ഏറെ ആകാംക്ഷയോടെ കാത്തിരുന്ന വിജയ് ദേവരകൊണ്ട – രശ്മിക മന്ദാന വിവാഹത്തിന്റെ (Virosh Wedding) ആഘോഷങ്ങൾ സോഷ്യൽ മീഡിയയിൽ തരംഗമാകുന്നു. ഇവരുടെ ഹൽദി ചടങ്ങിൽ നിന്നുള്ള മനോഹരമായ ദൃശ്യങ്ങളാണ് ഇപ്പോൾ പുറത്തുവന്നിരിക്കുന്നത് (Vijay Deverakonda Rashmika Mandanna Wedding).
മഞ്ഞയും വെള്ളയും തീമിൽ ഒരുക്കിയ ചടങ്ങിൽ വിജയും രശ്മികയും അതീവ സുന്ദരന്മാരായാണ് പ്രത്യക്ഷപ്പെട്ടത്. പരസ്പരം മഞ്ഞൾ തേക്കുന്നതും ചിരിച്ചുല്ലസിക്കുന്നതുമായ ഇവരുടെ ചിത്രങ്ങൾ ആരാധകർ ഏറ്റെടുത്തു കഴിഞ്ഞു. ഹൽദി ചടങ്ങിനിടെ വിജയും രശ്മികയും അതിഥികൾക്കൊപ്പം നിറങ്ങൾ കൊണ്ട് ഹോളി ആഘോഷിച്ചതാണ് ചടങ്ങിലെ പ്രധാന ആകർഷണം. പരസ്പരം നിറങ്ങൾ വാരി വിതറുന്ന താരജോഡികളുടെ വീഡിയോകൾ ‘വിറോഷ്’ എന്ന ഹാഷ്ടാഗിൽ ട്രെൻഡിംഗാണ്.
അടുത്ത ബന്ധുക്കളും സിനിമാ രംഗത്തെ പ്രമുഖ സുഹൃത്തുക്കളും മാത്രമാണ് ചടങ്ങിൽ പങ്കെടുത്തത്. രാജസ്ഥാനിലെ ഒരു ആഡംബര റിസോർട്ടിലാണ് വിവാഹ ചടങ്ങുകൾ നടക്കുന്നത്.
“ഏറ്റവും പ്രിയപ്പെട്ട ജോഡികൾ ഒന്നാകുന്നു” എന്ന സന്തോഷത്തിലാണ് ആരാധകർ. വർഷങ്ങളായുള്ള ഗോസിപ്പുകൾക്കും കാത്തിരിപ്പിനുമാണ് ഈ വിവാഹത്തോടെ വിരാമമാകുന്നത്.
