പാകിസ്ഥാൻ മോഡലായ റോമ മൈക്കിൾ ആണ് ഇപ്പോൾ വാർത്തകളിലെ ചർച്ചാവിഷയം. ഒക്ടോബറിൽ നടന്ന മിസ് ഗ്രാൻഡ് ഇൻ്റർനാഷണൽ 2024 മത്സരത്തിൽ അവർ ബിക്കിനിയിൽ പ്രത്യക്ഷപ്പെട്ടു (Pakistani model Roma Micheal). ഇതാണ് സംഭവങ്ങളുടെ തുടക്കം. ഇത്തരം വസ്ത്രങ്ങൾ ധരിക്കുന്നത് പാകിസ്ഥാനിൽ നിയമവിരുദ്ധമായി കണക്കാക്കപ്പെടുന്നു. ഇതോടെ പാകിസ്ഥാനിൽ നിന്നും റോമക്ക് നേരെ വധഭീഷണികളും ഉയർന്നിരിക്കുകയാണ്.
തനിക്ക് വധഭീഷണിയുണ്ടെന്ന് മോഡൽ റോമ മൈക്കിൾ പറഞ്ഞു. ഒരു പോഡ്കാസ്റ്റിലാണ് നടി ഇക്കാര്യം വെളിപ്പെടുത്തിയത്. "ലോകം ഒരുപാട് പുരോഗമിച്ചു, പക്ഷേ പാക്കിസ്ഥാനിൽ സ്ഥിതി അങ്ങനെയല്ല, പാകിസ്ഥാനിൽ വിദ്യാഭ്യാസം കുറവാണ്, ബിക്കിനി ധരിച്ച്, ഇന്നത്തെ പാകിസ്ഥാനിലേക്ക് വരരുത്, എൻ്റെ സുഹൃത്തുക്കൾ എന്നോട് പറഞ്ഞു. നിങ്ങൾക്ക് അപകടം വരെ സംഭവിക്കാം, എന്നും അവർ പറഞ്ഞു". -അതിനുശേഷം ഞാൻ പാകിസ്ഥാനിലേക്ക് പോയില്ല- റോമ പറയുന്നു.
ഇനി മുതൽ പാകിസ്ഥാനിലെ ജീവിതം എനിക്ക് ബുദ്ധിമുട്ടായേക്കാം. ജോലി സ്വയം ചെയ്യാൻ ബുദ്ധിമുട്ടായിരിക്കും. കാരണം പാകിസ്ഥാൻ ഡ്രാമ (മാലിക) ഓഡിഷനുകൾ വ്യത്യസ്തമായ രീതിയിലാണ് നടത്തുന്നത്. പാക്കിസ്ഥാനിൽ നടിമാർക്ക് ഇത്തരം വസ്ത്രങ്ങൾ ധരിക്കാൻ കഴിയില്ല. സോഷ്യൽ മീഡിയയിൽ ആളുകൾ എന്നെ അപകീർത്തിപ്പെടുത്താൻ തുടങ്ങി. പക്ഷെ ഞാൻ അതിനെയെല്ലാം മറികടന്നു. അതുകൊണ്ട് തനിക്കെതിരെ അപവാദം പ്രചരിപ്പിക്കുന്നവർക്കെതിരെ കർശന നടപടി സ്വീകരിക്കണം. ഇതാണ് എൻ്റെ ആവശ്യം," റോമ മൈക്കൽ പറഞ്ഞു.
കൂടാതെ ഇന്ത്യയിലേക്ക് നിരവധി ഓഫറുകളും വരുന്നുണ്ട്. എനിക്ക് ഇന്ത്യയിലേക്ക് പോകണം. എന്നാൽ ഇപ്പോൾ ഞങ്ങളുടെ ബന്ധം അത്ര നല്ലതല്ല. ബോളിവുഡിൽ പ്രവർത്തിക്കാനും അന്താരാഷ്ട്ര ഷോകൾ ചെയ്യാനും തനിക്ക് ആഗ്രഹം ഉണ്ടെന്നും അവർ പറഞ്ഞു..