വഖഫ് ബോര്‍ഡിന്റെ കോലം കടലില്‍ താഴ്ത്തി; മുനമ്പത്ത് പ്രതിഷേധ റാലി | Protest against Waqf board at Munambam
എറണാകുളം: മുനമ്പത്ത് വഖഫ് ബോർഡിന്റെ കോലം കടലിൽ താഴ്ത്തി സമരസമിതിയുടെ പ്രതിഷേധം. 1995ലെ വഖഫ് നിയമത്തിന്റെ കോലമാണ് സമരക്കാർ കടലിൽ കെട്ടിത്താഴ്ത്തിയത്. അഞ്ഞൂറിലധികം പ്രതിഷേധക്കാരാണ് മുനമ്പം കടലിലേക്ക് പ്രതിഷേധം നടത്തിയത്. വഖഫ് ആസ്തി വിവരപട്ടികയിൽ നിന്ന് തങ്ങളുടെ ഭൂമി ഒഴിവാക്കണമെന്ന ആവശ്യത്തിൽ ഉറച്ചുനിൽക്കുകയാണ് സമരസമിതി. 43-ാം ദിവസത്തിലേക്ക് സമരം കടന്നിരിക്കുകയാണ്. (Protest against Waqf board at Munambam)
മുനമ്പം തർക്കത്തിൽ മുഖ്യമന്ത്രി പിണറായി വിജയൻ സമര സമിതിയുമായി ഇന്നലെ ചർച്ച നടത്തിയിരുന്നു. സമരത്തിൽ നിന്ന് പിന്മാറണമെന്ന് മുഖ്യമന്ത്രി ആവശ്യപ്പെട്ടിരുന്നു. മുനമ്പത്തെ പ്രശ്നങ്ങൾ മൂന്നുമാസത്തിനകം പരിഹരിക്കുമെന്ന് മുഖ്യമന്ത്രിയുടെ ഉറപ്പ് നൽകിയിരുന്നു. എന്നാൽ സമരം തുടരാനാണ് സമരസമിതി തീരുമാനിച്ചത്. വഖഫിൻ്റെ ആസ്തി വിവരപട്ടികയിൽ നിന്ന് ഒഴിവാക്കും വരെ നിരാഹാര സമരം തുടരാനാണ് സമര സമിതിയുടെ തീരുമാനം.