തിരുവനന്തപുരം: പാപ്പനംകോട് ഇൻഷുറൻസ് കമ്പനി ഓഫീസിൽ തീപിടിത്തം. കേന്ദ്ര പൊതുമേഖലാ സ്ഥാപനമായ ന്യൂ ഇന്ത്യ അഷ്വറൻസ് കമ്പനിയുടെ ഓഫീസിലാണ് തീപിടിത്തമുണ്ടായത്.
അപകടത്തിൽ 2 സ്ത്രീകൾ മരണപ്പെട്ടു. ജീവൻ നഷ്ടമായത് സ്ഥാപനത്തിലെ ജീവനക്കാരി വൈഷ്‌ണക്കും, ഓഫീസിൽ എത്തിയ മറ്റൊരു സ്ത്രീക്കുമാണ്. കത്തിക്കരിഞ്ഞ നിലയിലാണ് ഇരുവരുടെയും ശരീരം ഓഫീസിൽ നിന്ന് കണ്ടെടുത്തത്.
തീപിടിത്തമുണ്ടായത് ഇന്നുച്ചയോടെയാണ്. ഇത് പാപ്പനംകോട് ജംങ്ഷനിൽ സ്ഥിതിചെയ്യുന്ന സ്ഥാപനത്തിലെ രണ്ടു നില കെട്ടിടത്തിലായിരുന്നു. മുകളിലത്തെ നിലയിലെ ൻഷുറൻസ് കമ്പനിയുടെ ഓഫീസ് പൂർണമായി കത്തിനശിച്ചിട്ടുണ്ട്.
തീ ആളിപ്പടരുന്നത് ശ്രദ്ധയിൽപ്പെട്ട ഉടൻ തന്നെ നാട്ടുകാർ രക്ഷാപ്രവർത്തനം നടത്തുകയായിരുന്നു.