പാലക്കാട്: ബി ജെ പിയിൽ തെരഞ്ഞെടുപ്പ് പ്രചാരണത്തിനിടയിൽ പടലപ്പിണക്കം. വേണ്ടത്ര പ്രാധാന്യം നൽകിയില്ല എന്നാരോപിച്ച് തെരഞ്ഞെടുപ്പ് കൺവെൻഷനിൽ നിന്ന് BJP നേതാവ് സന്ദീപ് വാര്യർ പിണങ്ങിപ്പോയി.(Sandeep Warrier left BJP convention )
ഇദ്ദേഹത്തിൻ്റെ മൊബൈൽ ഫോൺ സ്വിച്ച്ഡ് ഓഫ് ആണ്. പാലക്കാട് ബി ജെ പിയുടെ തെരഞ്ഞെടുപ്പ് കൺവെൻഷൻ നടന്നത് കഴിഞ്ഞയാഴ്ച്ചയാണ്. ഇ ശ്രീധരനാണ് ഇത് ഉദ്‌ഘാടനം ചെയ്തത്.
കൃഷ്ണദാസ്, വി മുരളീധരൻ, തുഷാർ വെള്ളാപ്പള്ളി എന്നിവരടക്കമുള്ള നേതാക്കളാണ് വേദിയിലെ 2 നിരകളിൽ ഇരുന്നിരുന്നത്. എന്നാൽ, സന്ദീപ് വാര്യർക്ക് സീറ്റ് ലഭിച്ചിട്ടുണ്ടായിരുന്നില്ല.
പിണക്കത്തിൻ്റെ കാരണം വേണ്ടത്ര പ്രാധാന്യം ലഭിച്ചില്ല, വേദിയിൽ അപ്രധാനമായ ചില നേതാക്കൾക്ക് സീറ്റ് നൽകി എന്നതാണ് എന്നാണ് വിവരം.