തിരുവനന്തപുരം: പി കെ ശശി കെ ടി ഡി സി സ്ഥാനം ഒഴിയണമെന്ന് ആവശ്യപ്പെട്ട് മുസ്ലീം ലീഗ് രംഗത്ത്. പാര്‍ട്ടിക്ക് പുറത്ത് നിന്ന് ഉയര്‍ന്ന ആരോപണമല്ല ശശിക്കെതിരെ ഉണ്ടായതെന്ന് പറഞ്ഞ ലീഗ് നിര്‍വ്വാഹകസമിതി അംഗം കെ എ അസീസ്, ഇത് പാര്‍ട്ടിക്കകത്ത് നിന്ന് തന്നെ ഉയര്‍ന്ന ആരോപണവും വസ്തുതയുമാണെന്നും കൂട്ടിച്ചേർത്തു.
അദ്ദേഹത്തിൻ്റെ ചോദ്യം പാർട്ടി സ്ഥാനത്ത് നിൽക്കാൻ അവകാശമില്ലാത്തയാൾ എങ്ങനെ ഈ സ്ഥാനം വഹിക്കുമെന്നാണ്. പി കെ ശശിക്ക് ധാർമ്മികമായി ചെയർമാൻ സ്ഥാനത്ത് നിൽക്കാൻ അർഹതയില്ലെന്നാണ് അസീസ് പറഞ്ഞത്.
പി കെ ശശിയെ വിവിധ ആരോപണങ്ങളുടെ പശ്ചാത്തലത്തിൽ ജില്ലാ കമ്മിറ്റിയിൽനിന്നു ബ്രാഞ്ചിലേക്കു തരംതാഴ്ത്തിയിട്ടുണ്ടായിരുന്നു. അദ്ദേഹത്തെ തിരഞ്ഞെടുക്കപ്പെട്ട എല്ലാ പാർട്ടി സ്ഥാനത്ത് നിന്നും നീക്കി.
നടപടിയുണ്ടായത് സി പി ഐ എം സംസ്ഥാന സെക്രട്ടറി എം ഗോവിന്ദൻ്റെ നേതൃത്വത്തിൽ നടന്ന ജില്ലാ സെക്രട്ടേറിയറ്റ് യോഗത്തിലാണ്. പാർട്ടി സംസ്ഥാന സെക്രട്ടറിയേറ്റ് ജില്ലാ നേതൃത്വത്തിൻ്റെ നടപടി അംഗീകരിച്ചിരുന്നു.