തിരുവനന്തപുരം: ലോകത്തെ 116 രാജ്യങ്ങളിൽ മങ്കിപോക്‌സ് പകര്‍ച്ചവ്യാധി റിപ്പോർട്ട് ചെയ്തു. ഈ സാഹചര്യത്തില്‍ കേരളവും ജാഗ്രത പാലിക്കണമെന്ന് നിർദേശം. ഇത് നിരവധി രാജ്യാന്തര യാത്രക്കാര്‍ എത്തുന്ന പശ്ചാത്തലത്തിലാണ്.
ആരോഗ്യവകുപ്പ് ഉദ്യോഗസ്ഥരുടെ മുന്നറിയിപ്പ് യാത്ര ചെയ്യുന്നവരും, അവരുമായി സമ്പര്‍ക്കത്തിലുള്ളവരും ശ്രദ്ധ പുലർത്തണമെന്നാണ്. 2022 ജൂലൈ 14നാണ് ഇന്ത്യയിൽ തന്നെ ആദ്യമായി കേരളത്തിൽ മങ്കി പോക്സ് റിപ്പോർട്ട് ചെയ്തത്. രോഗലക്ഷണം കണ്ടെത്തിയത് യു എ ഇയില്‍ നിന്നും തിരുവനന്തപുരത്ത് എത്തിയ 35 വയസ്സുകാരനിലായിരുന്നു. ചികിത്സ തേടിയ ഇയാൾ രോഗമുക്തനായിരുന്നു.
കെനിയയിൽ കണ്ടെത്തിയ മങ്കി പോക്സ് വകഭേദമാണ് ക്ലേഡ്2ബി. ഇത് ഏറെ ഭീതി വിതച്ചിരുന്നു. നിലവിൽ പടരുന്ന വകഭേദമായ ക്ലേഡ് 1 അതിനേക്കാൾ തീവ്രവും, വ്യാപനശേഷി കൂടിയതുമാണ്. ഈ രോഗം ഇതിനോടകം തന്നെ ലോകത്ത് ഒരു ലക്ഷത്തോളം പേർക്ക് ബാധിച്ചതായാണ് റിപ്പോർട്ട്.