തിരുവനന്തപുരം: മുഖ്യമന്ത്രിക്കെതിരായ അന്വേഷണത്തിൽ ഉടൻ തന്നെ അന്വേഷണ റിപ്പോർട്ട് സമർപ്പിക്കും. യൂത്ത് കോണ്‍ഗ്രസുകാരെ മര്‍ദിച്ചത് പൊലീസിൻ്റെ രക്ഷാപ്രവര്‍ത്തനമായിരുന്നെന്ന വിവാദ പരാമര്‍ശത്തിലായിരുന്നു അന്വേഷണം.(Investigation against CM)
എറണാകുളം സി ജെ എം കോടതിയിൽ അടുത്തയാഴ്ച്ച റിപ്പോർട്ട് സമർപ്പിക്കും. കേസന്വേഷിച്ചത് എറണാകുളം സെന്‍ട്രല്‍ പൊലീസാണ്.
അന്വേഷണത്തിൽ കണ്ടെത്തിയിരിക്കുന്നത് ഡി സി സി പ്രസിഡൻ്റ് ഷിയാസിൻ്റെ ആരോപണത്തില്‍ കഴമ്പില്ലെന്നാണ്. അന്വേഷണത്തിൽ കണ്ടെത്തിയിരിക്കുന്നത് കോണ്‍ഗ്രസ്, യൂത്ത് കോണ്‍ഗ്രസ് പ്രവര്‍ത്തകര്‍ക്ക് നേരെയുണ്ടായ പൊലീസ് നടപടികള്‍ ക്രമസമാധാനപാലനത്തിൻ്റെ ഭാഗമാണെന്നാണ്.
എറണാകുളം സി ജെ എം കോടതിയുടെ പരിധിയിലല്ല സംഭവമുണ്ടായതെന്നും, ഇക്കാര്യത്തിൽ എറണാകുളം സെൻട്രൽ പൊലീസിന് നടപടിയെടുക്കാനുള്ള പരിമിതിയും റിപ്പോർട്ടിൽ വ്യക്തമാക്കുന്നു.
റിപ്പോർട്ട് തയ്യാറായിട്ടും അത് കോടതിയിലേക്കെത്താൻ വൈകുന്നത് വിജയദശമിയോടനുബന്ധിച്ചുള്ള അവധികൾ മൂലമാണ്. മുഖ്യമന്ത്രി പിണറായി വിജയൻ്റെ പ്രസ്താവന നവകേരള സദസ്സിനോടനുബന്ധിച്ച് അദ്ദേഹത്തിൻ്റെ വാഹനത്തിന് നേർക്ക് കരിങ്കൊടി കാട്ടിയ യൂത്ത് കോൺഗ്രസ് പ്രവർത്തകരെ പോലീസ് മർദിച്ച സംഭവത്തിലാണ്.