‘മുകേഷിൻ്റെ മുന്കൂര് ജാമ്യത്തിനെതിരെ അപ്പീല് നല്കേണ്ട’: പിന്തുണയുമായി സര്ക്കാര് | Government has decided not to file an appeal against Mukesh’s anticipatory bail
തിരുവനന്തപുരം: നടനും എം എല് എയുമായ മുകേഷിനെ സംരക്ഷിച്ച് സര്ക്കാര്. ബലാത്സംഗക്കേസിൽ മുകേഷിന് മുന്കൂര് ജാമ്യം നല്കിയത് ചോദ്യം ചെയ്ത് കൊണ്ട് അപ്പീല് സമര്പ്പിക്കാനുള്ള അന്വേഷണ സംഘത്തിൻ്റെ നീക്കം ആഭ്യന്തര വകുപ്പ് തടഞ്ഞു.(Government has decided not to file an appeal against Mukesh's anticipatory bail)
സർക്കാർ നിലപാട് സെഷന്സ് കോടതി മുകേഷിന് അനുവദിച്ച മുന്കൂര് ജാമ്യം ചോദ്യം ചെയ്ത് ഹൈക്കോടതിയെ സമീപിക്കേണ്ടതില്ലെന്നാണ്. ആഭ്യന്തര വകുപ്പിൻ്റെ ഇടപെടൽ ഹൈക്കോടതിയില് മുന്കൂര് ജാമ്യത്തിനെതിരെ അപ്പീല് നല്കുന്നതിനുള്ള നീക്കങ്ങള് പുരോഗമിക്കുന്നതിനിടെയാണ്.
കഴിഞ്ഞ ദിവസം എറണാകുളം പ്രിൻസിപ്പൽ സെഷൻസ് കോടതി മുകേഷിന് മുൻകൂർ ജാമ്യം നൽകിയത് പരാതി നല്കുന്നതിലെ കാലദൈര്ഘ്യം ചൂണ്ടിക്കാട്ടിയാണ്.
ഇതിനെതിരെ അപ്പീൽ നൽകാൻ തീരുമാനിച്ചത് സ്പെഷന് ഇന്വെസ്റ്റിഗേഷന് ടീം നിയമജ്ഞരുമായി കൂടിയാലോചന നടത്തിയാണ്.