വിചിത്രവും, നർമ്മവും, അസാധാരണവുമായ കാര്യങ്ങൾ ചെയ്യുന്ന നിരവധി ആളുകളുടെ സംഭവങ്ങൾ ഉണ്ടായിട്ടുണ്ട്(metro). ഡൽഹി മെട്രോയിൽ യാത്രയ്ക്കിടെ ഒരു കൂട്ടം സ്ത്രീകൾ കീർത്തനം (ഭക്തിഗാനം) ആലപിക്കുന്ന ഒരു വീഡിയോ സോഷ്യൽ മീഡിയയിൽ വൈറലാകുകയാണ്.
ഡൽഹി മെട്രോ കോച്ചിനുള്ളിൽ ഒരു കൂട്ടം സ്ത്രീകൾ വാദ്യോപകരണങ്ങൾ വായിച്ച് ഭക്തിഗാനങ്ങൾ ആലപിക്കുന്നതിന്റെയും പ്രകടനം ചെയ്യുന്നത്തിന്റെയും ദൃശ്യങ്ങളാണ് പുറത്തുവന്നത്. ചില സ്ത്രീകൾ മെട്രോ കോച്ചിന്റെ വിവിധ ഭാഗങ്ങളിൽ ഇരിക്കുന്നതും മറ്റുള്ളവർ ധോലക്, മഞ്ജീര തുടങ്ങിയ സംഗീതോപകരണങ്ങൾ വായിക്കുന്നതും ദൃശ്യങ്ങളിൽ കാണാം. യാത്രയ്ക്കിടെ അപ്രതീക്ഷിതമായ സംഗീതം കേട്ട് ചുറ്റുമുള്ള യാത്രക്കാർ ശ്രദ്ധിക്കുന്നതും വീഡിയോയിൽ ഉണ്ട്.
സ്ത്രീകളുടെ ഈ പ്രവൃത്തി സഹയാത്രികരെ ബുദ്ധിമുട്ടിലാക്കി. ഇതോടെ മെട്രോ സുരക്ഷാ ഉദ്യോഗസ്ഥർ സ്ഥലത്തെത്തി സംഭവത്തിൽ ഇടപെട്ടു. ഉടൻ തന്നെ ആലാപനം നിർത്താൻ ആവശ്യപ്പെട്ടു. മെട്രോ നിയമങ്ങൾ അനുസരിച്ച് ഇത്തരം പ്രവർത്തനങ്ങൾ അനുവദനീയമല്ലെന്ന് സുരക്ഷാ ജീവനക്കാർ അവരെ അറിയിക്കുന്നത് വീഡിയോയിൽ കാണാം. തുടർന്ന് സ്ത്രീകൾ അവരുടെ പെരുമാറ്റത്തിന് മാന്യമായി ക്ഷമ ചോദിക്കുന്നു. "ഡൽഹി മെട്രോ മേ ആപ്കാ സ്വാഗത് ഹേ" എന്ന അടിക്കുറിപ്പോടെയാണ് വീഡിയോ ഇൻസ്റ്റാഗ്രാമിൽ പോസ്റ്റ് ചെയ്തത്. വീഡിയോ വൈറലായതോടെ നിരവധി കമന്റുകളാണ് വീഡിയോയ്ക്ക് ലഭിച്ചത്.