ഇറാന്റെ ആണവ കേന്ദ്രങ്ങൾ ആക്രമിക്കുന്നതിനായി മിസോറിക്ക് സമീപമുള്ള വൈറ്റ്മാൻ വ്യോമസേനാ താവളത്തിൽ നിന്ന് ബോംബറുകൾ പറന്നുയരുന്നതിന്റെ ഔദ്യോഗിക വീഡിയോ യുഎസ് പുറത്തുവിട്ടു(bombers). ഓപ്പറേഷൻ മിഡ്‌നൈറ്റ് ഹാമറിൽ ഉൾപ്പെട്ട ബി-2 സ്പിരിറ്റ് ബോംബറുകളുടെ തത്സമയ ദൃശ്യങ്ങളാണ് പുറത്തു വിട്ടത്.
സ്‌ട്രൈക്ക് പാക്കേജിലെ ഏഴ് സ്റ്റെൽത്ത് ബോംബറുകൾ നിർത്താതെ പറന്നുയർന്ന് ബോംബുകൾ വർഷിച്ച ശേഷം നാട്ടിലേക്ക് മടങ്ങുന്നത് ദൃശ്യങ്ങളിൽ കാണാം. ഓരോ വിമാനത്തിലും രണ്ട് ക്രൂ അംഗങ്ങളാണ് ഉണ്ടായിരുന്നത്. B-2 ബോംബർ വിമാനം പുലർച്ചെ 12:01 നാണ് പറന്നുയർന്നത്. അടുത്ത ദിവസം B-2 വിമാനങ്ങൾ വൈറ്റ്മാൻ ബേസിൽ തിരിച്ചെത്തുകയും ചെയ്തു.
37 മണിക്കൂർ നീണ്ടു നിന്ന ദൗത്യമായിരുന്നു ഇത്. സ്പിരിറ്റ് ബോംബർ ഉപയോഗിച്ച് മാത്രം പ്രവർത്തിപ്പിക്കാനും ഇടാനും കഴിയുന്ന യുഎസിന്റെ ബങ്കർ-ബസ്റ്റർ ബോംബായ GBU-57 മാസിവ് ഓർഡനൻസ് പെനട്രേറ്റർ (MOP) ആണ് B-2 വിമാനങ്ങളിൽ നിറച്ചിരുന്നത്. ഭൂമിക്കടിയിലേക്ക് 200 അടി വരെ തുളച്ചുകയറാൻ ഇവയ്ക്ക് കഴിയും. ഇറാൻ സമയം പുലർച്ചെ 2.10 നാണ് ഈ വിമാനങ്ങൾ ആക്രമണം നടത്തിയത്.