ഒരു പെൺകുട്ടി തന്റെ വിചിത്രമായ ഹോബി സമൂഹമാധ്യമത്തിൽ പങ്കിട്ടത് തരംഗമായി. താൻ കൊല്ലുന്ന ഓരോ കൊതുകിന്റെയും വിശദമായ രേഖ, പേരുകൾ, സമയം, സ്ഥലം എന്നിവ ഉൾപ്പെടെ സൂക്ഷിക്കുന്ന പെൺകുട്ടിയുടെ വീഡിയോയാണ് സമൂഹമാധ്യമങ്ങളിൽ ചർച്ചയായി കൊണ്ടിരിക്കുന്നത്(Mosquitoes). ഇൻസ്റ്റാഗ്രാമിൽ പങ്കിട്ട ഈ വീഡിയോ കണ്ട് നെറ്റിസൺസ് ഞെട്ടി തരിച്ചു. മാത്രമല്ല; തമാശകൾ കൊണ്ട് കമന്റുകൾ നിറയ്ക്കുകയും ഇത് ഒരു അതുല്യമായ ഹോബിയാണെന്ന് വിളിക്കുകയും ചെയ്തു.
താൻ കൊന്ന ഓരോ കൊതുകിന്റെയും സൂക്ഷ്മമായ രേഖ അവൾ സൂക്ഷിക്കുന്നുണ്ട്. ഓരോന്നിനും ഒരു പേര് പോലും നൽകിയിട്ടുണ്ട്. കൊതുകുകളെ ട്രാക്ക് ചെയ്യുന്നതിൽ തന്റെ സഹോദരിയുടെ പ്രത്യേക അഭിനിവേശം കണ്ടൻറ് ക്രിയേറ്ററായ 'ആകാൻക്ഷ റാവത്ത്; ആണ് ഇൻസ്റ്റാഗ്രാമിൽ പങ്കിട്ടത്.
"അവൾ എന്റെ സഹോദരിയാണ്, അവളുടെ ഹോബി എന്താണെന്ന് നിങ്ങൾ വിശ്വസിക്കില്ല - അവൾ കൊല്ലുന്ന ഓരോ കൊതുകിന്റെയും രേഖ അവൾ സൂക്ഷിക്കുന്നു. അതിന് പേര് നൽകുകയും ചെയ്യുന്നു" - തുടർന്ന് ക്യാമറ വൃത്തിയുള്ള പെട്ടികളായി തിരിച്ചിരിക്കുന്ന ഒരു കടലാസിലേക്ക് നീങ്ങുന്നു. ഓരോന്നിലും കൊതുകിന്റെ പേര്, അതിനെ കൊന്ന സമയം, സ്ഥലം എന്നിവ വിശദമായി പ്രതിപാദിക്കുന്നു. ഉദാഹരണത്തിന്, ഒരു എൻട്രിയിൽ, അടുക്കളയിൽ വെച്ച് മരണമടഞ്ഞ "രമേഷ്" എന്ന കൊതുകിനെ കാണിക്കുന്നു. ഓരോ കൊതുകിനും അതിന്റേതായ ഒരു ചെറിയ "മരണക്കുറിപ്പും അവൾ എഴുതിയട്ടുണ്ട്.
ഇതിനോടകം ഓൺലൈനിൽ രസകരമായ പ്രതികരണങ്ങളുടെ ഒരു പ്രളയത്തിന് കാരണമായ വീഡിയോ ഏഴ് ദശലക്ഷത്തിലധികം പേർ കണ്ടു കഴിഞ്ഞു.