ഇൻസ്റ്റാഗ്രാമിലെ മുംബൈ ആസ്ഥാനമായുള്ള wake_n_bite എന്ന ഫുഡ് വ്ലോഗർ സങ്കേത് സങ്ക്പാലിന്റെ ഒരു ഫുഡ് വീഡിയോ സോഷ്യൽ മീഡിയയിൽ തരംഗമായി മാറിയിരിക്കുകയാണ്. ജനുവരിയിൽ പോസ്റ്റ് ചെയ്ത ഈ വീഡിയോ ഇപ്പോഴും വൈറലായി തുടരുകയാണ്.
"അമ്മേ, പപ്പാ, ക്ഷമിക്കണം ആജ് മെയ്ൻ ഫ്രോഗ് ഖൗംഗ (അമ്മേ, അച്ഛാ, ക്ഷമിക്കണം. ഇന്ന് ഞാൻ തവളയെ തിന്നാൻ പോകുന്നു)" എന്ന ക്ഷമാപണത്തോടെയാണ് വീഡിയോ ആരംഭിക്കുന്നത്. ദൃശ്യങ്ങളിൽ, കംബോഡിയയിലേക്കുള്ള യാത്രയ്ക്കിടെ സങ്ക്പാൽ ഒരു പ്രാദേശിക ഭക്ഷണശാലയ്ക്ക് പുറത്ത് നിൽക്കുന്നത് കാണാം. കറുത്ത ജാക്കറ്റും കണ്ണടയും ധരിച്ച അദ്ദേഹത്തിന്റെ കയ്യിൽ പാകം ചെയ്ത തവളകളെ നിറച്ച ഒരു പാത്രവുമുണ്ട്. ശേഷം ഒരു വറുത്ത തവള വിഭവം പരീക്ഷിക്കാൻ തുടങ്ങുന്നതാണ് കാണാനാവുക. സങ്ക്പാൽ ഒരു കൈയ്യിൽ പാത്രം പിടിച്ച്, മറുകൈ കൊണ്ട് ഒരു വറുത്ത തവളയെ പുറത്തെടുത്ത് ക്യാമറയ്ക്ക് സമീപം കൊണ്ടുവരുന്നു. ശേഷം റസ്റ്റോറന്റ് അടുക്കളയിൽ നിന്നുള്ള ദൃശ്യങ്ങൾ കാണിക്കുന്നു. അവിടെ ഒരു ജീവനക്കാരൻ നിരവധി തവളകളെ ഒരു പ്ലാസ്റ്റിക് ബാഗിൽ നിറയ്ക്കുന്നത് കാണാം. പിന്നീടുള്ള ദൃശ്യങ്ങളിൽ മടിയില്ലാതെ, അയാൾ ഒരു തവളയെ കടിക്കുന്നു. ശേഷമുള്ളത് കഴിക്കുന്നതിനുപകരം, അയാൾ അത് നാട്ടുകാർക്ക് കൈമാറുന്നു.
"കംബോഡിയയിൽ തവളയെ തിന്നുന്നു" എന്ന അടിക്കുറിപ്പോടെയാണ് അദ്ദേഹം വീഡിയോ ഓൺലൈനിൽ പങ്കുവെച്ചത്. ഉരഗത്തെ പരീക്ഷിക്കാൻ ധൈര്യപ്പെടുന്ന സുഹൃത്തുക്കളെ ടാഗ് ചെയ്യാൻ അദ്ദേഹം തന്റെ അനുയായികളെ പ്രോത്സാഹിപ്പിക്കുകയും ചെയ്യുന്നുണ്ട്.