ഹൃദയഭേദകമായ ഒരു നിമിഷം പകർത്തിയ ഒരു വീഡിയോ സോഷ്യൽ മീഡിയയിൽ വൈറലാകുകയാണ്(Training session). വീഡിയോ നെറ്റിസൺസിനിടയിൽ ആശങ്കയും ഭീതിയും ഉളവാക്കുകയും സുരക്ഷയെക്കുറിച്ചുള്ള ചർച്ചകൾക്ക് തുടക്കമിടുകയും ചെയ്തു.
ഭയപ്പെടുത്തുന്ന വീഡിയോയിൽ, ഒരു പതിവ് പരിശീലന സെഷൻ ആണുള്ളത്. വെറും സെഷനല്ല; മറിച്ച് പെറുവിലെ പർവതത്തിൽ ഹിമാനികൾ തകരുമ്പോൾ പർവ്വതാരോഹകർക്കുള്ള പരിശീലന സെഷൻ ആണ് നടക്കുന്നത്. ഹാവിയർ റിവാഡെനീര എന്ന ഉപയോക്താവാണ് വീഡിയോ പങ്കുവച്ചത്. "പരിശീലനം ഒരു യഥാർത്ഥ സാഹചര്യമാകുമ്പോൾ" എന്ന അടിക്കുറിപ്പോടെയായിരുന്നു ഈ പങ്കിടൽ.
"ഇന്ന്, പെറുവിലെ വല്ലുനരാജുവിൽ നടന്ന അന്താരാഷ്ട്ര രക്ഷാപ്രവർത്തന കോഴ്‌സിൽ, വലിയൊരു കൂട്ടം സെറാക് പൊട്ടുന്നത് ഉൾപ്പെടുന്ന ഒരു യഥാർത്ഥ സാഹചര്യത്തെ നേരിടുകയും പരിഹരിക്കുകയും ചെയ്യേണ്ടി വന്നു. അത് പൊട്ടാൻ തുടങ്ങിയപ്പോൾ എനിക്ക് യഥാർത്ഥ ഭയം തോന്നി. കൊളംബിയയിൽ നിന്നുള്ള എന്റെ സുഹൃത്തുക്കളുടെയും എന്റെ പങ്കാളിയുടെയും 'ബാക്കപ്പ്' ഞാനായിരുന്നു. അവർക്ക് രക്ഷാപ്രവർത്തനം വളരെ നന്നായി നടത്താനും ഞങ്ങളുടെ കയർ വഴി പങ്കാളിയെ വീണ്ടെടുക്കാനും കഴിഞ്ഞു." - അദ്ദേഹം പറഞ്ഞു.