മധ്യപ്രദേശിൽ റീൽ ചിത്രീകരിക്കാനായി പിതാവ് മകന്റെ ജീവൻ പണയപ്പെടുത്തുന്നതിന്റെ ഞെട്ടിക്കുന്ന ദൃശ്യങ്ങൾ പുറത്ത്, വീഡിയോ | father risking son's life to shoot reel
മധ്യപ്രദേശിലെ ഉജ്ജയിനിൽ, സോഷ്യൽ മീഡിയ റീൽ ചിത്രീകരിക്കാനായി പിതാവ് മകന്റെ ജീവൻ പണയപ്പെടുത്തുന്നതിന്റെ ദൃശ്യങ്ങൾ ഓൺലൈനിൽ വൈറലായി തുടരുന്നു(father risking son's life to shoot reel). സോഷ്യൽ മീഡിയാ പ്ലാറ്റ് ഫോമായ എക്‌സിൽ @hbtv_in എന്ന ഹാൻഡിലാണ് ദൃശ്യങ്ങൾ പങ്കുവച്ചത്.
ദൃശ്യങ്ങളിൽ, അച്ഛൻ മകനെ ഒരു കാറിൽ ഡ്രൈവറുടെ സൈഡ് ഡോറിൽ പറ്റിപ്പിടിച്ചു നിർത്തുകയും കാർ മുന്നോട്ടെടുക്കുകയും ചെയ്യുന്നത് കാണാം. പിതാവ് മകന്റെ ജീവൻ പണയപ്പെടുത്തിയാണ് ഈ പ്രവർത്തി ചെയ്യുന്നത്.
വിശാലയിലെ ഋഷി നഗറിൽ താമസിക്കുന്ന ദീപക് പംനാനി എന്നയാളാണ് ഈ പ്രവർത്തിക്കു മുതിർന്നതെന്നാണ് വിവരം. സംഭവം നടക്കുമ്പോൾ ഒരു പോലീസ് ഉദ്യോഗസ്ഥനും സ്ഥലത്ത് എത്തുന്നതും കുട്ടിയെ കാറിൽ നിന്നും ഇറങ്ങുന്നതും കാണാം. അതേസമയം ദൃശ്യങ്ങൾ പുറത്തു വന്നതോടെ നെറ്റിസണ്‍മാരില്‍ നിന്ന് വ്യാപകമായ വിമര്‍ശനമാണ് ഉയർന്നു വന്നത്.