മനില: ഫിലിപ്പീൻസ് തലസ്ഥാനമായ മനിലയിൽ ഡെങ്കിപ്പനി അതിവേഗം പടരുന്ന സാഹചര്യത്തിൽ, ജീവനോടെ കൊണ്ടുവരുന്നതോ കൊന്നൊടുക്കുന്നതോ ആയ ഓരോ 5 കൊതുകുകൾക്കും 1.50 രൂപ പാരിതോഷികം നൽകുമെന്ന് പ്രഖ്യാപനം. ഫിലിപ്പീൻസ് തലസ്ഥാനത്ത് ഡെങ്കിപ്പനി അതിവേഗം പടരുന്ന സാഹചര്യത്തിലാണ് ഈ പ്രഖ്യാപനമെന്നാണ് റിപ്പോർട്ട്. പനി നിയന്ത്രിക്കുന്നതിനായാണ് തദ്ദേശ ഭരണകൂടം നൂതനമായ ഒരു സമീപനം സ്വീകരിച്ചത്. തലസ്ഥാനമായ സെൻട്രൽ മനിലയിൽ താമസിക്കുന്ന ആളുകൾക്ക്, അവർ കൊണ്ടുവരുന്ന ഓരോ 5 കൊതുകുകൾക്കും, അവ ജീവനോടെയോ ചത്തതോ ആകട്ടെ, 1.50 രൂപ വീതം നൽകുമെന്നാണ് പ്രഖ്യാപിച്ചിരിക്കുന്നത്.
'പൊതുജനങ്ങൾ വീട്ടിൽ കൂടുതൽ വെള്ളം സംഭരിക്കും, ഇത് കൊതുകുകൾ പെരുകാൻ കാരണമാകും.' ഇത് അണുബാധയ്ക്കുള്ള സാധ്യത വർദ്ധിപ്പിക്കുകയേ ഉള്ളൂ എന്നും ഒരു പ്രയോജനവും ചെയ്യില്ലെന്നും വിദഗ്ദ്ധർ പറയുന്നു. ഈ സാഹചര്യത്തിലാണ് പുതിയ പ്രഖ്യാപനവുമായി തദ്ദേശ ഭരണകൂടം രംഗത്ത് എത്തിയത്. അൾട്രാവയലറ്റ് രശ്മികൾ ഉപയോഗിച്ച് ജീവനുള്ള കൊതുകുകളെ നശിപ്പിക്കുകയാണ് ലക്‌ഷ്യം.
'ഇതുവരെ ആകെ 21 പേർക്ക് ഈ സമ്മാനം ലഭിച്ചതായും പ്രാദേശിക മാധ്യമങ്ങൾ റിപ്പോർട്ട് ചെയ്യുന്നു.' "ആളുകൾ 700 കൊതുകുകളെ കൊണ്ടുവന്നിട്ടുണ്ട്," ഒരു ഉദ്യോഗസ്ഥൻ പറഞ്ഞു. "ഡെങ്കിപ്പനിയെ നേരിടുന്നതിൽ തദ്ദേശ സ്വയംഭരണ ഉദ്യോഗസ്ഥരുടെ നല്ല ഉദ്ദേശ്യങ്ങളെ ഞങ്ങൾ അഭിനന്ദിക്കുന്നു," ഫിലിപ്പീൻസ് ആരോഗ്യ വകുപ്പ് പറഞ്ഞു.
ഡെങ്കിപ്പനി പരത്തുന്ന കൊതുകുകൾ മുട്ടയിടാൻ സാധ്യതയുള്ള സ്ഥലങ്ങളിൽ തെരുവുകൾ വൃത്തിയാക്കൽ, വെള്ളം കെട്ടിക്കിടക്കുന്നത് തടയൽ തുടങ്ങിയ തുടർച്ചയായ നടപടികൾ ഊർജിതമാക്കുന്നതിനാണ് സമ്മാനത്തുക നൽകുന്നതെന്ന് പ്രാദേശിക ഭരണകൂടം അറിയിച്ചു. ഈ വർഷം മാത്രം ഫിലിപ്പീൻസിൽ 28,234 പേർക്ക് ഡെങ്കിപ്പനി ബാധിച്ചു. കഴിഞ്ഞ വർഷം ഇതേ കാലയളവിനെ അപേക്ഷിച്ച് ഇത് 40 ശതമാനം കൂടുതലാണെന്ന് ഡാറ്റ സൂചിപ്പിക്കുന്നു.