അഹമ്മദാബാദ്: അഹമ്മദാബാദിലെ സർദാർ വല്ലഭായ് പട്ടേൽ അന്താരാഷ്ട്ര വിമാനത്താവളത്തിൽ ഉണ്ടായ വിമാനാപകടത്തിൽ മരിച്ചവരുടെ കൂട്ടത്തിൽ ഗുജറാത്ത് മുൻ മുഖ്യമന്ത്രി വിജയ് രൂപാണിയും ഉണ്ടായിരുന്നു(Gujarat Chief Minister Vijay Rupani). ഗുജറാത്തിൻ്റെ പതിനാറാമത്തെ മുഖ്യമന്ത്രിയായിരുന്നു ഇദ്ദേഹം, ബോയിംഗ് 787-8 ഡ്രീംലൈനർ വിമാനത്തിലെ ഫ്ലൈറ്റ് പാസഞ്ചർ ലിസ്റ്റിൽ 12-മത്തെ യാത്രികനായിരുന്നു. വിമാനത്തിൽ ബിസിനസ് ക്ലാസിലെ 2D സീറ്റിലാണ് അദ്ദേഹം യാത്ര ചെയ്തത്.
വിജയ് രൂപാണി വിമാനയാത്രയ്ക്കായി വിമാനത്താവളത്തിൽ എത്തുന്നതിന്റെ ദൃശ്യങ്ങൾ അധികൃതർ പുറത്തു വിട്ടു. ദൃശ്യങ്ങളിൽ അദ്ദേഹം വാഹനത്തിൽ വന്നിറങ്ങി വിമാനത്താവളത്തിന് ഉള്ളിലേക്ക് അതീവ സുരക്ഷയുടെ നടന്നു നീങ്ങുന്നത് കാണാം.
അതേസമയം, പുറത്തുവരുന്ന വിവരം അനുസരിച്ച് വിജയ് രൂപണിയുടെ ഭാഗ്യ നമ്പർ 12 ആയിരുന്നു. അദ്ദേഹത്തിന്റെ എല്ലാ വാഹനങ്ങളുടെയും രജിസ്ട്രേഷൻ പ്ലേറ്റുകളിൽ ഒരേ നമ്പർ(1206 എന്ന നമ്പർ) ഉണ്ടായിരുന്നതായി റിപ്പോർട്ടുകളുണ്ട്. എയർ ഇന്ത്യ വിമാനത്തിൽ പാസഞ്ചർ ലിസ്റ്റിൽ 12-മത്തെ യാത്രികനായിരുന്നു അദ്ദേഹം. എന്നാൽ അതേ തീയതിയിൽ അദ്ദേഹം മരിച്ചതിനാൽ അദ്ദേഹത്തിന്റെ ഭാഗ്യ നമ്പർ നിർഭാഗ്യകരമായി മാറി.