ഒഡീഷയിലെ സുന്ദർഗഡിൽ സഫായ് നദിയിലെ ശക്തമായ ഒഴുക്കിൽ ട്രക്ക് ഒലിച്ചു പോയി(truck being swept away). സംഭവത്തിന്റെ ഭീകരത നിറഞ്ഞ ദൃശ്യങ്ങൾ സോഷ്യൽ മീഡിയാ പ്ലാറ്റ് ഫോമായ എക്‌സിൽ @barik_surendra എന്ന ഹാൻഡിലാണ് പങ്കുവച്ചത്.
ദൃശ്യങ്ങളിൽ, പാലം കടക്കുന്നതിനിടെ ഒരു ട്രെയിലർ ട്രക്ക് ശക്തമായ വെള്ളപ്പൊക്കത്തിൽ പെട്ട് പോകുന്നത് കാണാം. കനത്ത ഒഴുക്ക് ഉണ്ടായിരുന്നിട്ടും ട്രക്ക് ഡ്രൈവർ തന്റെ വാഹനം നദിയിലേക്ക് ഓടിച്ചു കയറ്റുകയായിരുന്നു.
വാഹനത്തിന്റെ ഡ്രൈവറായ സുജീത് ഐന്ദ് എന്നയാളെ കാണാതായി. ഇയാൾക്കൊപ്പം ഉണ്ടായിരുന്ന സഹായി അവിനാശ് ബരാലയെ രക്ഷപെടുത്തിയതായാണ് വിവരം. സംഭവത്തിന്റെ ദൃശ്യങ്ങൾ കണ്ടു നിന്നവരാണ് പകർത്തിയത്.