ഗുരുഗ്രാമിൽ ജാപ്പനീസ് വിനോദസഞ്ചാരികളിൽ നിന്ന് 1000 രൂപ കൈക്കൂലി വാങ്ങിയ പോലീസുകാരൻറെ ദൃശ്യങ്ങൾ ഓൺലൈനിൽ പ്രതിഷേധത്തിനിടയാക്കി(policeman taking Rs 1000 bribe from Japanese tourists). സോഷ്യൽ മീഡിയാ പ്ലാറ്റ് ഫോമായ എക്‌സിൽ @sunny_panday_ എന്ന ഹാൻഡിലാണ് ദൃശ്യങ്ങൾ പങ്കുവച്ചത്.
ദൃശ്യങ്ങളിൽ ഹെൽമെറ്റ് ധരിച്ച ഒരു സ്ത്രീ സ്കൂട്ടർ ഓടിക്കുന്നുണ്ട്. എന്നാൽ, അവരുടെ പിന്നിലിരിക്കുന്ന യാത്രക്കാരി ഹെൽമെറ്റ് ധരിച്ചിരുന്നില്ല. ഇതേ തുടർന്നാണ് ഹെൽമെറ്റ് ധരിക്കാതെ ഇരുചക്ര വാഹനത്തിൽ പിൻസീറ്റിൽ യാത്ര ചെയ്തതിന് രണ്ട് ജാപ്പനീസ് വിനോദസഞ്ചാരികളോട് ട്രാഫിക് പോലീസ് 1,000 രൂപ കൈക്കൂലി ആവശ്യപ്പെട്ടത്.
"ഇവിടെയോ കോടതിയിലോ പണമടയ്ക്കാമോ?" എന്ന് ചോദിച്ചു കൊണ്ട് ഓഫീസർ പണം ആവശ്യപ്പെടുന്നത് ദൃശ്യങ്ങളുടെ പശ്ചാത്തലത്തിൽ കേൾക്കാം. ഇതിന് മറുപടിയായി വിനോദസഞ്ചാരികളിൽ ഒരാൾ, "എനിക്ക് വിസയോ ടച്ചോ ഉപയോഗിക്കാമോ?" എന്ന് ചോദിക്കുന്നതും കേൾക്കാം. "വിസ ടച്ച് ഇല്ല" എന്ന് ഓഫീസർ മറുപടി നൽകുന്നതിനെ തുടർന്ന് ടൂറിസ്റ്റ് രണ്ട് ₹500 നോട്ടുകൾ ഉദ്യോഗസ്ഥർക്ക് നൽകുന്നു. അതേസമയം കൈക്കൂലി വാങ്ങിയ ഓഫീസറെ സസ്‌പെൻഡ് ചെയ്തതായാണ് വിവരം.