തെലങ്കാനയിൽ നക്രേക്കൽ മണ്ഡലത്തിലുള്ള ജില്ലാ പരിഷത്ത് ഹൈസ്കൂളിൽ പെൺകുട്ടികളെ ലൈംഗികമായി പീഡിപ്പിച്ച അധ്യാപകനെതിരെ നടപടിയുമായെത്തിയ മാതാപിതാക്കളുടെ ദൃശ്യങ്ങൾ സോഷ്യൽ മീഡിയയിൽ പങ്കുവയ്ക്കപ്പെട്ടു(parents meet sexually abused girls teacher). സോഷ്യൽ മീഡിയാ പ്ലാറ്റ് ഫോമായ എക്സിൽ @TeluguScribe എന്ന ഹാൻഡിലാണ് ദൃശ്യങ്ങൾ പങ്കുവച്ചത്.
ഹൈസ്കൂളിലെ ശ്രീനിവാസ് എന്ന അധ്യാപകൻ വിദ്യാർത്ഥിനികളെ ലൈംഗികമായി പീഡിപ്പിച്ചു എന്നാരോപിച്ചാണ് പെൺകുട്ടികളുടെ മാതാപിതാക്കൾ അയാളെ കാണ്മാ സ്കൂളിൽ എത്തിയത്. ശേഷം മാതാപിതാക്കൾ ശ്രീനിവാസിനെ നേരിടുകയും പ്രതികാരമായി അദ്ദേഹത്തെ ആക്രമിക്കുകയും ചെയ്തുവെന്നാണ് വിവരം.
വിദ്യാർത്ഥികൾ പീഡനത്തെക്കുറിച്ച് മാതാപിതാക്കളോട് തുറന്നുപറഞ്ഞതിന് പിന്നാലെയാണ് സംഭവം. അതേസമയം ദൃശ്യങ്ങൾ പുറത്തു വന്നതോടെ സോഷ്യൽ മീഡിയയിൽ വ്യാപകമായ പ്രതിഷേധത്തിന് തിരികൊളുത്തിയതായാണ് വിവരം.