മധ്യപ്രദേശിൽ ഭോപ്പാലിലെ വിഐപി റോഡിൽ രാജാ ഭോജിന്റെ പ്രതിമയ്ക്ക് മുന്നിൽ ഒരു കൂട്ടം യുവാക്കൾ ശല്യമുണ്ടാക്കുകയും അക്രമം അഴിച്ചു വിടുകയും ചെയ്യുന്നതിന്റെ ദൃശ്യങ്ങൾ സോഷ്യൽ മീഡിയയിൽ പങ്കുവയ്ക്കപ്പെട്ടു(drunk youths creating a ruckus on VIP Road). മൾട്ടി മീഡിയാ പ്ലാറ്റ്‌ ഫോമായ എക്‌സിൽ @bhopal_news__എന്ന ഹാൻഡിലാണ് ദൃശ്യങ്ങൾ പങ്കുവച്ചത്. വീഡിയോ കാണാം.
ഞായറാഴ്ച അർദ്ധരാത്രിയാണ് സംഭവം നടന്നത്. മദ്യപിച്ചെത്തിയ ഒരു കൂട്ടം യുവാക്കൾതടാകത്തിലേക്കുള്ള റെയിലിംഗിൽ ചാരി നിൽക്കുകയും അവരിൽ ഒരാൾ ബിഎംസി ഡസ്റ്റ്ബിൻ പൊട്ടി വേർപെടുന്നതുവരെ എല്ലാ ശക്തിയും ഉപയോഗിച്ച് ചവിട്ടുകയും ചെയ്തു. ഇതേ തുടർന്നാണ് സംഘർഷം പൊട്ടിപുറപ്പെട്ടത്. ദൃശ്യങ്ങൾ പുറത്തുവന്നതോടെ നെറ്റിസൺസ് കനത്ത പ്രതിഷേധം രേഖപ്പെടുത്തി.