അടുത്തിടെ പുറത്തിറങ്ങിയ ഐഫോൺ 17 ആപ്പിൾ ഫോൺ ആപ്പിൾ സിഇഒ ടിം കുക്കിന്റെ മുന്നിൽ അബദ്ധത്തിൽ താഴെയിട്ട ഒരു കണ്ടന്റ് ക്രിയേറ്ററുടെ ദൃശ്യങ്ങൾ സോഷ്യൽ മീഡിയയിൽ തരംഗമാകുന്നു(dropping iPhone 17 in front of Apple CEO Tim Cook). സോഷ്യൽ മീഡിയാ പ്ലാറ്റ് ഫോമായ എക്‌സിൽ @AnxiousHolly എന്ന ഹാൻഡിലാണ് അരോചകമായ ഈ ദൃശ്യങ്ങൾ പങ്കുവച്ചത്.
ദൃശ്യങ്ങളിൽ, ഒരു കണ്ടന്റ് ക്രിയേറ്റർ താൻ പുതുതായി വാങ്ങിയ ഐഫോൺ 17 ആപ്പിൾ സിഇഒ ടിം കുക്കിന്റെ മുന്നിൽ ഒപ്പിടാൻ നൽകുന്നത് കാണാം. എന്നാൽ, അബദ്ധത്തിൽ ഫോൺ കണ്ടന്റ് ക്രിയേറ്ററുടെ കയ്യിൽ നിന്നും താഴെ വീണു. അയാൾ പെട്ടെന്ന് തന്നെ അത് എടുക്കുകയും ലജ്ജയോടെ കാണപ്പെടുകയും ചെയ്യുന്നു.
തുടർന്ന് വീഡിയോയിൽ ടിം കുക്ക് ഉപകരണത്തിന്റെ പിന്നിൽ ഒപ്പിടാൻ തയ്യാറെടുക്കുന്നത് കാണിക്കുന്നു. എന്നാൽ കണ്ടന്റ് സ്രഷ്ടാവ് അയാളെ തടയുകയും പകരം ഫ്രണ്ട് സ്‌ക്രീൻ പ്രൊട്ടക്ടറിൽ ഒപ്പിടാൻ അഭ്യർത്ഥിക്കുകയും ചെയ്യുന്നതാണ് ദൃശ്യങ്ങളിലുള്ളത്. അതേസമയം ദൃശ്യങ്ങൾ പുറത്തു വന്നതോടെ നെറ്റിസൺസ് രസകരമായ പ്രതികരണങ്ങളുമായി രംഗത്തെത്തി.