ഒരു ഭീമൻ ദാൽ മഖാനി പാത്രം ജെസിബി മെഷീൻ ഉപയോഗിച്ച് ഇളക്കുന്നതിന്റെ കൗതുകകരമായ ദൃശ്യങ്ങൾ സോഷ്യൽ മീഡിയയിൽ പങ്കുവയ്ക്കപ്പെട്ടു(giant bowl of dal makhani). സോഷ്യൽ മീഡിയാ പ്ലാറ്റ് ഫോമായ എക്‌സിൽ @sarcastic_us എന്ന ഹാൻഡിലാണ് ദൃശ്യങ്ങൾ പങ്കുവച്ചത്.
ദൃശ്യങ്ങൾക്കാസ്പദമായ സംഭവം നടന്നതെവിടെയാണെന്ന് സ്ഥിരീകരിക്കാൻ കഴിഞ്ഞിട്ടില്ല. എന്നാൽ, ഒരു ഭക്ഷണ തീറ്റ മത്സരത്തിന്റെ ഭാഗമായി ദാൽ നിർമ്മിക്കുന്നതാണ് ദൃശ്യങ്ങളിലുള്ളത്. ദൃശ്യങ്ങൾ സുരക്ഷയെയും ശുചിത്വ രീതികളെയും കുറിച്ച് ആശങ്ക ഉയർത്തുന്നുണ്ട്.
അതേസമയം ദൃശ്യങ്ങൾ പുറത്തു വന്നതോടെ പാചകത്തിന് ഉപയോഗിക്കുന്നതിന് മുമ്പ് മെഷീൻ വൃത്തിയാക്കിയതാണോ അതോ അണുവിമുക്തമാക്കിയതാണോ എന്ന് നെറ്റിസൺസ് ചോദ്യം ചെയ്തു.