പരമ്പരാഗത ഇന്ത്യൻ വസ്ത്രം ധരിച്ച ഒരു ഐറിഷ് വരന്റെ ദൃശ്യങ്ങൾ സോഷ്യൽ മീഡിയയിൽ തരംഗമായി മാറിയിരിക്കുകയാണ്(Irish groom). ഇൻസ്റ്റാഗ്രാമിൽ, മേക്കപ്പ് ആർട്ടിസ്റ്റ് ജന്നത്ത് ഫെബ്രുവരിയിൽ പോസ്റ്റ് ചെയ്ത ഈ വീഡിയോ ഇപ്പോൾ 2,25,000-ത്തിലധികം ലൈക്കുകൾ നേടി മുന്നേറുകയാണ്. "ഒരു ഐറിഷ് ആൺകുട്ടി ഇന്ത്യൻ വരനായി മാറുമ്പോൾ" എന്ന അടിക്കുറിപ്പോടെയാണ് വീഡിയോ പങ്കിട്ടത്.
പരമ്പരാഗത ഇന്ത്യൻ വസ്ത്രം ധരിച്ച ഒരു ഐറിഷ് വരന്റെ ഹൃദയസ്പർശിയായ വീഡിയോ സോഷ്യൽ മീഡിയയിൽ പങ്കുവയ്ക്കപ്പെട്ടു. മനോഹരമായി എംബ്രോയിഡറി ചെയ്ത സ്വർണ്ണ ഷെർവാണിയും അതുമായി യോജിക്കുന്ന ട്രൗസറും ധരിച്ച് തന്റെ കുടുംബത്തെ അത്ഭുതപ്പെടുത്താൻ വരൻ മറ്റൊരു പുരുഷനോടൊപ്പം ഒരു ഇടനാഴിയിലൂടെ നടക്കുന്നതാണ് ദൃശ്യങ്ങളിൽ ഉള്ളത്. അയാൾ മുറിയിലേക്ക് പ്രവേശിക്കുമ്പോൾ, കുടുംബാംഗങ്ങൽ പുഞ്ചിരിയും, കരഘോഷവും, അഭിനന്ദനങ്ങളും കൊണ്ട് അയാളെ വരവേറ്റു. മാത്രമല്ല; എല്ലാവരും വസ്ത്രം "മനോഹരമായിരിക്കുന്നു" എന്ന് പറയുന്നത് ദൃശ്യങ്ങളിൽ ഉടനീളം കേൾക്കാൻ കഴിയും. അയാളുടെ അമ്മയാണെന്ന് വിശ്വസിക്കപ്പെടുന്ന ഒരു സ്ത്രീ ആവേശത്തോടെ "വൗ, നീ എത്ര അടിപൊളിയാണ്. എനിക്ക് പ്രിന്റുകൾ ഇഷ്ടമാണ്. സ്വർണ്ണമാണ് നിങ്ങളുടെ നിറം. നീ ഒരു രാജകുമാരനാണ്!"- എന്ന് പറയുന്നുണ്ട്. അതിന് മറുപടിയായി ഐറിഷ് വരൻ അതിന് നന്ദി പറയുകയും ചെയ്യുന്നുണ്ട്.