തായ്‌ലൻഡിൽ മിഡ് ടേം പരീക്ഷയിൽ 2 മാർക്ക് കുറഞ്ഞതിന് ഗണിത അധ്യാപികയെ ക്രൂരമായി മർദ്ദിക്കുന്ന വിദ്യാർത്ഥിയുടെ ദൃശ്യങ്ങൾ പുറത്തു വന്നു(student brutally beating teacher ). സോഷ്യൽ മീഡിയാ പ്ലാറ്റ് ഫോമായ എക്‌സിൽ @ThaiLegal123 എന്ന ഹാൻഡിലാണ് ദൃശ്യങ്ങൾ പങ്കിട്ടത്.
ദൃശ്യങ്ങൾക്കാസ്പദമായ സംഭവം ആഗസ്റ്റ് 5 ന് മധ്യ പ്രവിശ്യയായ ഉതായ് താനിയിലെ ഒരു സ്കൂളിലാണ് നടന്നതെന്നാണ് വിവരം. ദൃശ്യങ്ങളിൽ, 17 വയസ്സുള്ള ഒരു വിദ്യാർത്ഥി തന്റെ ഗണിത അധ്യാപകനെ ക്രൂരമായി ആക്രമിക്കുന്നത് കാണാം.
അവൻ അധ്യാപികയെ തല്ലുകയും, ഇടിക്കുകയും, ചവിട്ടുകയും ചെയ്യുന്നുണ്ട്. സംഭവത്തിന്റെ ദൃശ്യങ്ങൾ മുഴുവനും സിസിടിവി ക്യാമറയിൽ പതിഞ്ഞിട്ടുണ്ട്. എന്നാൽ ഈ ദൃശ്യങ്ങൾ നെറ്റിസൺമാരെ വളരെയധികം ഞെട്ടിച്ചിട്ടുണ്ട്. സംഭവത്തിൽ വിദ്യാർത്ഥിയെ ചോദ്യം ചെയ്യുമെന്ന് പോലീസ് അറിയിച്ചു.