വളരെയേറെ കൗതുകം നിറഞ്ഞതും ഹൃദയ സ്പർശിയായതുമായ ഒരു വീഡിയോ ഇന്റർനെറ്റിൽ പങ്കുവയ്ക്കപ്പെട്ടു(Crow). ഒരു കാക്ക ഒരു ആൺകുട്ടിയ്‌ക്കൊപ്പം പന്ത് തട്ടുന്ന രസകരമായ ഒരു വീഡിയോയാണ് പങ്കുവയ്ക്കപ്പെട്ടത്.
സോഷ്യൽ മീഡിയ പ്ലാറ്റഫോമായ എക്‌സിൽ 90ndstoppage എന്ന ഹാൻഡ്‌ലർ പങ്കുവയ്ച്ച ദൃശ്യങ്ങൾ ഇതിനോടകം ഏഴായിരത്തിലധികം പേർ കണ്ടു കഴിഞ്ഞു. ഗോവയിൽ നിന്നാണ് ഈ ദൃശ്യങ്ങൾ പകർത്തിയിരിക്കുന്നത്.
ദൃശ്യങ്ങളിൽ ഒരു വീടിന്റെ ഉമ്മറത്ത് ഒരു കാക്കയും ഒരു ചെറിയ കുട്ടിയും പന്ത് തട്ടുന്നത് കാണാം. കാക്ക, അതിന്റെ കൊക്ക് ശ്രദ്ധേയോടെയും കൃത്യതയോടെയും ഉപയോഗിച്ച്, പന്ത് ആൺകുട്ടിയുടെ നേരെ തട്ടുന്നത് കാണാൻ കഴിയും.
കൃത്യമായ ഔചിത്യ ബോധത്തോടെ പെരുമാറുന്ന കാക്ക രസകരമായാണ് കുട്ടിക്കൊപ്പം സമയം ചിലവിടുന്നത്. വീഡിയോ ഇന്റർനെറ്റിൽ പ്രചരിച്ചതോടെ, നെറ്റിസൺസിനെ അത് ആകർഷിച്ചു. മാത്രമല്ല ഉപയോക്താക്കൾ പക്ഷിയുടെ സമയനിഷ്ഠയ്ക്കും സ്പർശനത്തിനുമുള്ള അസാധാരണമായ കഴിവിനെ പ്രശംസിക്കുകയും ചെയ്തു.